रामटेक : उमरेडमध्ये फेरमतदानाची गजभियेंची मागणी

नागपूर : रामटेक लोकसभा मतदारसंघातील कॉंग्रेसचे उमेदवार किशोर गजभिये यांनी ईव्हीएमवर आक्षेप घेतला आहे. 

उमरेड विधानसभा मतदारसंघातील एका ईव्हीएमची बॅटरी बंद असून दुसऱ्या एका मशीनमध्ये दोन सी.यू. नंबर दाखवत असल्याची तक्रार त्यांनी केली आहे. 

विशेष म्हणजे उमरेड येथील स्ट्रॉंग रुमचे डीव्हीआर चोरीला गेले होते. याची तक्रारही त्यांनी केली होती. त्यानुसार गुन्हे दाखल करण्यात आले असून गजभिये यांनी उमरेडमध्ये फेरमतदान करण्याची मागणी केली आहे. 

जिल्हा निवडणूक अधिकारी यांनी दोन डीव्हीआर चोरीला गेल्याची तक्रार दाखल केली आहे. निवडणूक आयोगाच्या पथकानेसुद्धा या प्रकरणाची चौकशी केली होती.