...त्याचवेळी औरंगाबादेतील प्रत्येक राम मंदिरात महाआरती होणार

...त्याचवेळी औरंगाबादेतील प्रत्येक राम मंदिरात महाआरती होणार

औरंगाबाद : शिवसेना पक्षप्रमुख उद्धव ठाकरे यांच्या 24 व 25 नोव्हेंबरच्या आयोध्या दौऱ्याची जय्यत तयारी पक्षाच्या वतीने करण्यात आली आहे. दीड दिवसांच्या आपल्या अयोध्या दौऱ्यातूनच शिवसेना खऱ्या अर्थाने आगामी लोकसभा निवडणूकीचे रणशिंग फुंकणार असे बोलले जाते. या पार्श्‍वभूमीवर जेव्हा उद्धव ठाकरे आयोध्येत सायंकाळी आरती करतील, अगदी त्याच वेळेला औरंगाबाद शहरातील प्रत्येक राम मंदिरांमध्ये महाआरती करण्याचे नियोजन शिवसेनेच्या वतीने करण्यात आले आहे. 

केवळ राम मंदिरांमध्येच नाही तर प्रत्येक वार्ड, प्रमुख चौकात शनिवारी सायंकाळी शिवसैनिकांनी महाआरती करावी असे आवाहन शिवसेना नेते खासदार चंद्रकांत खैरे यांनी केले आहे. या संदर्भात नुकतीच एक बैठक घेण्यात आली. प्रदीप जैस्वाल यांच्या संपर्क कार्यालयातील बैठकीत खैरे यांनी राम मंदिर, उध्दव ठाकरे यांचा आयोध्या दौरा किती महत्वाचा आहे हे पटवून देतांनाच संपुर्ण राज्यात आणि शहरात या निमित्ताने भगवे वातावरण निर्माण करण्याचे आवाहन केले. 

पक्षप्रमुख उध्दव ठाकरे यांच्या आयोध्या दौऱ्या निमित्त शहरातून शेकडो शिवसैनिक व पदाधिकारी टप्याटप्याने आयोध्येला रवाना होणार आहेत. या दौऱ्यात संत-महंतांच्या भेटी गाठी, महाआरती, जाहीर सभा असा भरगच्च कार्यक्रम होणार आहे. दीड दिवसांच्या आयोध्या दौऱ्याने संपुर्ण देशातील राजकीय वातावरण बदलण्याचा प्रयत्न शिवसेनेकडून सुरू आहे. या पार्श्‍वभूमीवर पक्षप्रमुख उध्दव ठाकरे जेव्हा आयोध्येत महाआरती करत असतील त्याचवेळी औरंगाबाद शहरातील प्रत्येक राम मंदिर, वॉर्ड आणि प्रमुख चौकात शिवसैनिकांनी मोठ्या संख्येने उपस्थित राहून महाआरतीचे आयोजन करावे असे आवाहन करण्यात आले आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com