मोडनिंब : सोलापूर जिल्ह्याचे सुपुत्र आयएएस अधिकारी रमेश घोलप (महागाव, ता. बार्शी) यांची झारखंडमधील कोडरमा जिल्ह्याच्या जिल्हाधिकारीपदी नेमणूक झाली आहे.
यापूर्वी धनबाद महापालिकेचे आयुक्त म्हणून दोन महिने केलेली त्यांची कारकीर्द सक्त कारवायांमुळे गाजली. त्यांच्या झालेल्या बदली विरोधात तेथील नागरिकांनी सात दिवस रस्त्यावर उतरून आंदोलन केले होते.
नक्षलग्रस्त भागात जिल्हाधिकारी म्हणून काम करत असताना नक्षलग्रस्त भागातील युवकांना व नागरिकांना रोजगाराच्या संधी उपलब्ध करून देण्यासाठी विशेष प्रयत्न केले होते. झारखंड कृषी राज्याचे कृषी आयुक्त म्हणून कार्यरत असताना त्यांनी प्रधानमंत्री कृषी सन्मान निधी व मुख्यमंत्री कृषी आशीर्वाद निधी यासारख्या महत्त्वपूर्ण योजना यशस्वीपणे राबविल्या. यापूर्वी एसडीएम खूंटी, एसडीएम बेरमो (बोकारो), सहायक जिल्हाधिकारी, रांची, ऊर्जा आणि गृह विभागाचे सहसचिव, सरायकेला- खरसावाचे जिल्हाधिकारी या पदावर काम केले. कृषी आयुक्त या पदाबरोबरच झारखंड राज्य कृषी विकास महामंडळाचे व्यवस्थापकीय संचालक व हॉर्टिकल्चर आयुक्त या पदांचा अतिरिक्त कारभार त्यांनी सांभाळला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.