युवक काॅंग्रेस बळकटीकरणासाठी आमदार झनक यांचा झंजावात

मुंबईहून वाशीमकडे जातानाआमदारझनक यांनी महाराष्ट्र प्रदेश काँग्रेस कमिटीचे सरचिटणिस विनायकराव देशमुख यांच्या नगर येथील संपर्क कार्यालयास भेट दिली.
zanak.png
zanak.png

नगर : "राज्यातील ज्येष्ठ नेत्यांचे मार्गदर्शन घेऊन आपण युवक काँग्रेस संघटना बळकट करणार आहोत," असे प्रतिपादन महाराष्ट्र प्रदेश युवक काँग्रेस कमिटीचे उपाध्यक्ष आमदार अमित झनक यांनी केले. 

मुंबईहून वाशीमकडे जाताना आमदार झनक यांनी महाराष्ट्र प्रदेश काँग्रेस कमिटीचे सरचिटणिस विनायकराव देशमुख यांच्या नगर येथील संपर्क कार्यालयास भेट दिली, त्याप्रसंगी झनक बोलत होते. प्रारंभी नगर जिल्हा युवक काँग्रेसचे सरचिटणीस हर्षवर्धन देशमुख यांनी प्रास्ताविक करून त्यांचे स्वागत केले.

या वेळी बोलताना आमदार अमित झनक म्हणाले, "माझे वडील स्व. सुभाषराव झनक व विनायकराव देशमुख यांचे अत्यंत जिव्हाळ्याचे संबंध होते. मागील पाच वर्षांपासून संघटनेत काम करताना देशमुख यांचे आम्हाला वेळोवेळी मार्गदर्शन लाभत आहे. आता देशमुख यांच्यासारख्या नेत्यांनी युवकांना मार्गदर्शन करण्यासाठी पुढाकार घ्यावा."

आमदार अमित झनक यांना शुभेच्छा देताना विनायकराव देशमुख म्हणाले, "आमदार अमित यांचे वय व नम्रपणे काम करण्याची पध्दत पाहता आगामी काळात त्यांना राज्यस्तरावर अधिक मोठी जबाबदारी मिळणार आहे. राज्यातील ज्येष्ठ नेत्यांचे आशिर्वाद सदैव त्यांच्या पाठीशी आहेत."

या वेळी प्रदेश युवक काँग्रेसचे सरचिटणीस प्रशांत ओगले, विशाल रोहकले, ज्ञानेश्वर आव्हाड, प्रदीप बरबडे, नितेश वराडे आदी युवक पदाधिकारी उपस्थित होते.


Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com