मुंबई : मनी लाँडरिंग प्रकरणात माजी गृहमंत्री अनिल देशमुख (Anil Deshmukh) यांचा मुलगा ऋषिकेश देशमुख (Hrishikesh Deshmukh) यांचा सक्रिय सहभागी होता. वडिलांनी गैरमार्गाने मिळवलेली रक्कम देणगी म्हणून दाखवण्यात त्याचा महत्त्वाचा सहभाग होता, असा दावा अंमलबजावणी संचालनालयाच्या (ED) वतीने विशेष न्यायालयात करण्यात आला. त्यामुळे देशमुख यांच्या अडचणीत भर पडण्याची शक्यता आहे.
देशमुख यांना ईडीने अटक केली असून सध्या ते न्यायालयीन कोठडीत आहेत. देशमुख यांचा मुलगा ऋषिकेश यांनी न्यायालयात अटकपूर्व जामिनासाठी अर्ज केला आहे. या अर्जाला ईडीने एका प्रतिज्ञापत्राद्वारे विरोध केला आहे. मनी लाँडरिंग प्रकरणात ऋषिकेशचा सक्रिय सहभाग आहे. मनी लाँडरिंगचा पैसा विविध कंपन्यांना दान म्हणून दाखवण्यात ऋषिकेशने देशमुख यांना मार्गदर्शन केले, असा गंभीर आरोप ईडीच्या वतीने केला आहे. ऋषिकेशला जामीन मंजूर झाल्यास त्याच्याकडून या प्रकरणातील पुरावे प्रभावित होण्याची शक्यता आहे, त्यामुळे त्यांना जामीन मंजूर करू नये, असे ईडीने म्हटले आहे. ऋषिकेशला आतापर्यंत सहा वेळा समन्स बजावले. मात्र, तो सहकार्य करत नाही, असा आरोप ईडीने केला आहे.
पूर्वग्रहदूषित पद्धतीने तपास
ईडी जाणीवपूर्वक या प्रकरणात आम्हाला अडकवत आहे आणि पूर्वग्रहदूषित पद्धतीने तपास सुरू आहे, असा दावा ऋषिकेश यांनी जामीन अर्जात केला आहे. त्यांच्या अर्जावर ४ डिसेंबर रोजी सुनावणी होणार आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
