रयत क्रांती संघटनेतर्फे स्मशानभूमी मध्येच राज्य शासनाच्या पुतळ्याचे दहन..!  - Burning of state government statue in the cemetery by Rayat Kranti Sanghatana | Politics Marathi News - Sarkarnama

ब्रेकिंग न्यूज

इंदापूरला उजनीतून पाणी देण्याचा निर्णय रद्द : जयंत पाटील यांची घोषणा
मंत्रीमंडळाच्या उपसमितीच्या बैठकीसाठी महाविकास आघाडीतील प्रमुख नेते सह्याद्रीवर दाखल. एकनाथ शिंदे, बाळासाहेब थोरात, अशोक चव्हाण आणि मुख्य सचिव सिताराम कुंटे हेही उपस्थित आहेत.
मराठा आरक्षणासाठीची भाजपची महत्वाची बैठक आज विरोधी पक्ष नेते देवेंद्र फडणवीस यांच्या निवासस्थानी होत आहे. यासाठी रविंद्र चव्हाण, चंद्रकांत पाटील, गिरीश बापट, प्रवीण दरेकर उपस्थित आहेत.

रयत क्रांती संघटनेतर्फे स्मशानभूमी मध्येच राज्य शासनाच्या पुतळ्याचे दहन..! 

सरकारनामा ब्यूरो
मंगळवार, 20 एप्रिल 2021

रयत क्रांती संघटनेतर्फे राज्यभर अशा प्रकारची आंदोलने आज करण्यात आली आहेत. शासन फक्त आरोप-प्रत्यारोप करण्यातच व्यस्त आहे व भ्रष्टाचार करण्यातच दंग आहे. शेतकऱ्यांचे प्रश्न, कोरोना रुग्णालयातील सर्व प्रश्न तसेच लॉकडाउन केल्यामुळे ज्यांची हातावर पोट आहे त्यांना कोणतीही मदत नाही. या सर्व गोंधळातील कारभारामुळे जनता भयभीत झाली असून जनतेला राज्यात कोणीच वाली राहिलेला नाही. 

पुणे : आज कानगाव येथील स्मशानभूमीमध्ये कोरोना सहित सर्व विषयावरती अपयशी ठरलेल्या राज्य शासनाच्या पुतळ्याचे दहन रयत क्रांती संघटनेतर्फे करण्यात आले. हे राज्यव्यापी महाविकास आघाडीचे पुतळण्याचे आंदोलन आमदार सदाभाऊ खोत यांच्या मार्गदर्शनाखाली करण्यात आले. यावेळी राज्य प्रवक्ते भानुदास शिंदे, जिल्हा सरचिटणीस सयाजी मोरे, सामाजिक कार्यकर्ते तात्यासो मोरे, नामदेव फडके आदी उपस्थित होते. 

वास्तविक पाहता कोरोनामुळे राज्यातील जनतेचे अतोनात हाल होत आहेत. रेमडेसिवर इंजेक्शन नाही, बेड नाहीत, ऑक्सिजन नाही, तसेच स्मशानभूमीमध्ये अंत्यविधीसाठी सुद्धा नंबर लावावे लागतात. इतकी दयनीय अवस्था आज राज्यातील जनतेवर या नाकर्ते सरकारमुळे आलेली आहे. याचा निषेध म्हणून रयत क्रांती संघटनेच्यावतीने आंदोलन करण्यात आले.

रयत क्रांती संघटनेतर्फे राज्यभर अशा प्रकारची आंदोलने आज करण्यात आली आहेत. शासन फक्त आरोप-प्रत्यारोप करण्यातच व्यस्त आहे व भ्रष्टाचार करण्यातच दंग आहे. शेतकऱ्यांचे प्रश्न, कोरोना रुग्णालयातील सर्व प्रश्न तसेच लॉकडाउन केल्यामुळे ज्यांची हातावर पोट आहे त्यांना कोणतीही मदत नाही. या सर्व गोंधळातील कारभारामुळे जनता भयभीत झाली असून जनतेला राज्यात कोणीच वाली राहिलेला नाही. 

कोरोना रुग्णांना उपचारासाठी लाखो रुपये खर्च करावे लागतात. तसेच वर्षभरापासून कोणतेही उत्पन्न नसल्यामुळे सर्वांचेच कर्जाचे हप्ते थकलेले आहेत. या कर्जाची सक्तीने वसुली केली जात आहे. या गंभीर बाबींकडे सुद्धा राज्य शासनाचे लक्ष नाही. या जनतेच्या प्रश्नाकडे लक्ष वेधण्यासाठी रयत क्रांती संघटनेतर्फे स्मशानभूमीत राज्यशासनाच्या पुतळ्याचे दहन करून आंदोलन करण्यात आले. 
- भानुदास शिंदे (राज्य प्रवक्ता, रयत क्रांती संघटना)

 

 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख