सातारा : सातारा नगरपालिकेचे मुख्‍याधिकारी अभिजित बापट यांची बदली झाली असून त्‍यांच्‍याकडे पदोन्नतीने पिंपरी चिंचवड महानगरपालिकेच्‍या उपआयुक्‍तपदाची जबाबदारी सोपविण्‍यात आली आहे.
सातारा पालिकेचे मुख्‍याधिकारी म्हणून अभिजित बापट यांनी यापूर्वी कामकाज केले होते. कार्यकाळ पूर्ण झाल्‍यानंतर बापट यांची पंढरपूर पालिकेच्‍या मुख्‍याधिकारीपदी बदली करण्‍यात आली. बापट यांच्‍या बदलीमुळे रिक्‍त झालेल्‍या जागी शासनाने शंकर गोरे यांची नियुक्‍ती केली. गोरे यांच्‍या बदलीनंतर सातारा जिल्‍हाधिकारी कार्यालयात नगरपालिका कक्षाचे प्रमुख म्हणून कार्यरत असणाऱ्या बापट यांच्‍याकडे पुन्‍हा सातारा पालिकेच्‍या मुख्‍याधिकारीपदाची सूत्रे सोपविण्‍यात आली.
सूत्रे स्‍वीकारल्‍यानंतर त्‍यांनी शहराच्‍या विकासासाठीच्‍या योजनांची प्रभावीपणे अंमलबजावणी केली. बापट यांची नगरविकास विभागाने काल रात्री एका आदेशानुसार बदली केली. बापट यांच्‍याकडे पदोन्नतीने पिंपरी चिंचवड महानगर पालिकेच्‍या उपाआयुक्‍तपदाची जबाबदारी सोपविण्‍यात आली आहे. बापट यांच्‍या बदलीमुळे रिक्‍त झालेल्‍या सातारा पालिकेच्‍या मुख्‍याधिकारीपदी कोणाची वर्णी लागते, याकडे सातारकरांचे लक्ष लागून राहिले आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.