मारेगाव, (जि. यवतमाळ) : तालुक्यातील नवरगाव मध्यम प्रकल्प येथुन करणवाडी या गावाकरिता खनिज विकास निधीतून नळयोजना राबविण्याकरिता ३१ मार्च रोजी वणी विधानसभा क्षेत्राचे आमदार संजीवरेड्डी बोदकुरवार याच्या हस्ते भूमिपूजन पार पडले. परंतु येथिल फलकावर आमदार मदन येरावर यांच्या नावासमोर पालकमंत्री असे नमुद केले आहे. या विषयी परिसरात वेगवेगळ्या चर्चा होत आहेत.
३१ मार्च रोजी नवरगाव मध्यम प्रकल्प येथे करणवाडी गावाकरीता नळयोजनेचा भूमिपूजन समारंभ पार पडला. फलकावर आमदार मदन येरावार यांच्या नावासमोर पालकमंत्री यवतमाळ जिल्हा असे नमुद केले गेले आहे. राज्यात महाविकास आघाडी सरकार असताना आमदार मदन येरावार पालकमंत्री कसे, असा सवाल जनतेतून केला जात आहे. काहींनी तर बुद्धिपुरस्सर केला असल्याचा आरोप सुद्धा केला आहे. सत्ता समिकरण बदलाचे संकेत तर नाहीत, असेही बोलले जात आहे. समाज माध्यमावर येथिल समारंभाचे फोटो प्रसारीत होताच विविध चर्चांना पेव फुटणे चालु झाले आहेत. माजी आमदार विश्वास नांदेकर विद्यमान खनिज प्रतिष्ठानचे सदस्य असतांना विजय पिदूरकर यांना फलकावर सदस्य खनिज प्रतिष्ठान असे नमुद केले आहे. या बाबीला राजकीय वळण येण्याची शक्यता वर्तविली जात आहे.
नवरगाव मध्यम प्रकल्प येथे करणवाडी गावाकरीता नळ पाणी पुरवठा योजने करीता विहिरीच्या भूमीपूजन पार पडले. येथे लावण्यात आलेल्या फलकावरील काही बाबी चुकीने नमुद झाल्या आहेत. मंजुरात जुनीच होती परंतु गावाच्या राजकीय हेव्यामुळे काम झाले नव्हते. आता या कामाला सुरुवात झाली आहे.
-ज्ञानेश्वर चिकटे
भाजपा मारेगाव तालुका अध्यक्ष.
Edited By : Atul Mehere
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.