वड्डेट्टीवार आणि भुजबळ यांनी ओबीसींचे आणखी वाटोळे करू नये… - wadettiwar and bhujabal should not harass to obc anymore | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

वड्डेट्टीवार आणि भुजबळ यांनी ओबीसींचे आणखी वाटोळे करू नये…

सरकारनामा ब्यूरो 
सोमवार, 21 जून 2021

ओबीसी आरक्षण देण्यापेक्षा स्वतःला ओबीसी नेते म्हणून पुढे आणण्यातच या दोघांचा वेळ आणि शक्ती खर्ची घालत आहेत. नाही तर आतापर्यंत आयोग नेमून कार्यवाही सुरू केली असती.

नागपूर : राज्य सरकारमधील दोन मंत्री विजय वड्डेट्टीवार Vijay Wadettiwar आणि छगन भुजबळ Chagan Bhujabal हे विरोधकांची भाषा  बोलत आहेत. हे दोन मंत्री तिढा निर्माण करीत आहेत. या दोन्हीही मंत्र्यांवर हरीभाऊ राठोड Haribhau Rathod यांनी सडकून टीका केली आहे. सर्वोच्च न्यायालयाने Supreme Court ओबीसी समाजाच्या बाबतीत निर्णय दिला आहे, तो अतिशय चांगला आहे. मी त्याचे स्वागत करतो, असे त्यांनी आज बोलताना सांगितले. सरकार तर तुमचं आहे, तर तुम्ही सर्वप्रथम ओबीसी समाजासाठी आयोग  नेमा आणि डाटा तयार करा. अन्यथा राजीनामा द्या आणि मोकळे व्हा, समाजाची दिशाभूल करू नका, अशा शब्दांत हरीभाऊ राठोड यांनी या दोन मंत्र्यांना खडसावले आहे. Resign and be free do not mislead the society 

छगन भुजबळ आणि विजय वडेट्टीवार यांनी राजीनामे द्यावेत. ओबीसींचे खरे नुकसान मंत्री छगन भुजबळ आणि विजय वडेट्टीवार हेच करत आहेत. प्रश्न सोडविण्याऐवजी तो चिघळविण्याचे काम करत आहेत. सर्वोच्च न्यायालयाच्या निर्णयाची चुकीची माहिती ते पसरवत असल्याने त्यांनी आपल्या मंत्रिपदाचा राजीनामा द्यावा, अशी मागणीही माजी खासदार हरीभाऊ राठोड यांनी केली. ओबीसी आरक्षणाचा तिढा सुटेपर्यंत आम्ही स्थानिक स्वराज्य संस्थांच्या निवडणुकी होऊ देणार नाही, असे हे दोन्ही मंत्री सांगत आहेत. एकप्रकारे ते विरोधकांचीच भाषा बोलत आहेत.

हा तिढा निर्माण करणारे दुसरे तिसरे कुणी नसून हे दोघेच मंत्री आहेत. वडेट्टीवार आणि भुजबळ यांनीच हा प्रश्‍न उपस्थित केला आहे. सर्वोच्च न्यायालयाच्या तीन न्यायमूर्तींनी जो निर्णय दिला तो चांगला आहे, ओबीसींच्या बाजूचा आहे. असे असताना हे मंत्री केंद्र सरकारकडे बोट दाखवतात, आम्ही रीव्ह्यू पिटिशन दाखल करू, असे म्हणतात. भारतीय जनता पक्षाच्या २६ तारखेच्या आंदोलनाला पाठिंबा देतात, लोणावळ्याला ओबीसी समाजातील लोकांना एकत्र करून मागणी करतात. त्यामुळे हे मंत्री आहेत की कार्यकर्ते आहेत, असा प्रश्‍न राठोड यांनी विचारला आहे. 

विजय वडेट्टीवार आणि छगन भुजबळ दोघेही मंत्री आहेत. पण ओबीसी आरक्षणाबाबत निर्णय घेण्याऐवजी ते जनतेमध्ये जाऊन संभ्रम पसरविण्याचे काम करीत आहेत. ओबीसी, सरकार आणि माध्यमांचाही बुद्धिभेद हे दोघे करत आहेत. सर्वोच्च न्यायालयाचे म्हणणे अगदी स्पष्ट आहे, ते म्हणजे तुम्ही आयोग नेमा, इम्पेरिकल डाटा तयार करा आणि २७ टक्के आरक्षण घ्या. पण हे मंत्री तिढा निर्माण करण्याचे काम करीत आहेत. भाजपने त्यांच्या काळात चुका केल्या असे यांचे म्हणणे आहे. ते काही अंशी खरे असेलही. पण आता भाजपकडे बोट दाखविण्यात काय अर्थ आहे. तुमचे सरकार आहे. त्यामुळे तुम्ही निर्णय घेणे अपेक्षित आहे, असेही हरीभाऊ म्हणाले. 

हेही वाचा : दोषी नसेल तर पुन्हा जबादारी द्या, माजी मंत्री संजय राठोड यांची मागणी..

ओबीसी आरक्षण देण्यापेक्षा स्वतःला ओबीसी नेते म्हणून पुढे आणण्यातच या दोघांचा वेळ आणि शक्ती खर्ची जात आहे. नाही तर आतापर्यंत आयोग नेमून कार्यवाही सुरू केली असती. कधी नव्हे ती ओबीसींच्या हिताची भाषा हे दोघे करत आहेत. गेल्या ३० ते ४० वर्षांत यांनी ओबीसींचे एकही काम केलेले नाही. हास्यास्पद बाब म्हणजे ओबीसी मंत्री असलेले विजय वडेट्टीवार ओबीसींच्याच मागण्या घेऊन रस्त्यावर उतरत आहेत. या नेत्यांनी आतापर्यंत ओबीसींचं वाटोळ केलं, यापुढे तरी करू नये आणि या मंत्र्यांनी राजीनामा देऊन मोकळे व्हावे, अशी मागणी माजी खासदार हरिभाऊ राठोड यांनी केली आहे. 
Edited By : Atul Mehere

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख