...तर होऊ शकते मनसेसोबत युती : सुधीर मुनगंटीवार - then it can be an alliance with mns said sudhir mungantiwar | Politics Marathi News - Sarkarnama

ब्रेकिंग न्यूज

आमदार आशुतोष काळे शिर्डी संस्थानचे अध्यक्ष तर उपाध्यक्षपदी जगदीश सावंत यांची नियुक्ती
माजी पोलिस आयुक्त परमबीर सिंह यांची याचिका फेटाळली
जगातील प्रभावशाली व्यक्तींमध्ये नरेंद्र मोदी, ममता बॅनर्जी, अदर पूनावाला
तिरुपती देवस्थान ट्रस्टच्या सदस्यपदी शिवसेनेच्या मिलिंद नार्वेकरांची वर्णी
अभिनेता सोनू सूदच्या घरावर आयकर विभागाचा छापा

...तर होऊ शकते मनसेसोबत युती : सुधीर मुनगंटीवार

सरकारनामा ब्यूरो
सोमवार, 26 जुलै 2021

उद्या मनसे आणि भाजप यांच्या विचारांमध्ये एकवाक्यता असेल, एकच सूर असेल तर युती होण्यामध्ये कुठलीही अडचण नाही. मात्र आज तरी असा कुठलाही विषय आमच्या कोअर टीममध्ये किंवा आमच्या चर्चेत नाही.

नागपूर : युती सत्तेसाठी नाही, स्वार्थासाठी नाही, खुर्चीसाठी नाही, युती जनतेच्या हितासाठी असली पाहिजे. कोणत्या पक्षाची युती कोणत्या पक्षासोबत होईल, हे कुणाही सांगू शकत नाही. तर हे फक्त वेळच सांगू शकतो. भविष्यात भाजप आणि मनसेची विचारधारा जुळली, तर ही युती होऊ शकते, असे राज्याचे माजी अर्थमंत्री आमदार सुधीर मुनगंटीवार Former finance minister MLA Sudhir Mungantiwar आज म्हणाले. 

मुनगंटीवार म्हणाले, आजच्या तारखेत तरी मनसेसोबत युतीचा विषय आमच्या विचारात नाही. राज ठाकरे आणि भाजपचे प्रदेशाध्यक्ष चंद्रकांत पाटील यांची भेट झाली.  त्यामध्ये गैर काहीच नाही, येथे कुणी कुणाचा शत्रू नाहीये. मलासुद्धा राज ठाकरेंचा फोन आला होता. मीसुद्धा येत्या ८ दिवसांत त्यांची भेट घेणार आहे. त्यांना आठवण आली त्यांनी फोन केला. भेटण्याची इच्छा प्रदर्शित केली, मी भेटेन. यामध्ये राजकारणच असले पाहिजे, असे काहीच नाही. पण भविष्यात जर मोदींच्या विचारांशी दुसरा कोणता पक्ष सहमत झाला. तर युती होऊ शकते. मग तो पक्ष मनसेही असू शकतो. 

उद्या मनसे आणि भाजप यांच्या विचारांमध्ये एकवाक्यता असेल, एकच सूर असेल तर युती होण्यामध्ये कुठलीही अडचण नाही. मात्र आज तरी असा कुठलाही विषय आमच्या कोअर टीममध्ये किंवा आमच्या चर्चेत नाही. महाराष्ट्र नवनिर्माण सेनेची युती भारतीय जनता पक्षासोबत यापूर्वी नाशिक महानगरपालिकेमध्ये झाली होती. तेव्हाही विकास आणि जनतेची कामे, हाच अजेंडा होता. भविष्यात तशी परिस्थिती उद्भवली तर राज्यासाठीही तो विचार होऊ शकतो. पण हे आपण ठरवू शकत नाही, तर ती वेळच ठरवते, असे मुनगंटीवार म्हणाले. 

हेही वाचा : राजकीय गणिताची जुळवाजुळव झाल्यावर होणार विधान परिषद निवडणूक ?

तर ईश्‍वराने त्यांना नेहमी सायकलवरच ठेवावे...
खोटं बोलण्याचा कोणता पुरस्कार दिला जात असेल, तर तो महाविकास आघाडीला दिला गेला पाहिजे. केंद्राने पेट्रोल, डिझेलचे भाव कमी करावे म्हणून महाविकास आघाडी सरकारमधील नेते सायकल चालवीत आंदोलन करतात, हे ढोंग आहे. पेट्रोल, डिझेलवर केंद्राचा जो टॅक्स आहे तो ३२.९० रुपये आहे. यामध्येसुदधा कोणता खर्च कोणत्या कामांसाठी होतो, हे केंद्र सरकारने निश्‍चित केले आहे. केंद्रा‍तकाच  कर राज्य सरकार घेते आहे. २६ टक्के वॅट घेते आहे. पेट्रोलचे दर वाढले की राज्य सरकारची तिजोरी भरत जाते. कारण रस्त्यांसाठी पुन्हा १० ते १२ रुपये कर राज्य सरकार आकारते. त्यामुळे सायकल चालवून नाटकं करणाऱ्यांना ईश्‍वराने नेहमीसाठी सायकलवरच ठेवावे, असेही सुधीर मुनगंटीवार म्हणाले. 
Edited By : Atul Mehere

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख