अमरावतीत सरनाईकांची आघाडी कायम !

पहिल्या दोन पसंती क्रमांकाची मतमोजणी पार पडल्यानंतरही विजयी उमेदवाराची घोषणा होऊ शकलेली नाही. विजयासाठी आवश्यक असलेल्या १४ हजार ९१६ मतांचा कोट्याजवळ कोणताही उमेदवार पोहोचू शकलेला नाही. अपक्ष उमेदवार किरण सरनाईक यांनी महाविकास आघाडी व भाजपला धक्का देत ६,५२८ मिळविली.
Kiran Sarnaik Amravati
Kiran Sarnaik Amravati

अमरावती : अमरावती विभागीय शिक्षक मतदारसंघाच्या निवडणुकीची मतमोजणी काल सकाळी आठ वाजता सुरू झाली. पहिल्या फेरीच्या मोजणीमध्ये अपक्ष उमेदवार अ‌ॅड. किरण सरनाईक यांनी घेतलेली आघाडी आज दुसऱ्या दिवशी सकाळी विसाव्या फेरीपर्यंत कायम आहे. विजयी होण्यासाठी १४,९१६ मतांचा कोटा ठरलेला आहे. मात्र, अद्याप अर्धेही मत न मिळाल्याने उमेदवारांची चिंता वाढली आहे.

अमरावती शिक्षक मतदारसंघाच्या निवडणुकीसाठी एक डिसेंबरला मतदान पार पडले. त्यानंतर सर्वांना निकालाची उत्सुकता लागली होती. काल सकाळी ८ वाजतापासून मतमोजणीला सुरुवात झाली. पहिली फेरी पूर्ण झाली तेव्हा अपक्ष उमेदवार अ‌ॅड. किरण सरनाईक यांनी आघाडी घेतली होती. तर दुसऱ्या क्रमांकावर महाविकास आघाडीचे उमेदवार श्रीकांत देशपांडे होते. शेखर भोयर हे तिसऱ्या स्थानी होते.

अपक्ष उमेदवार किरण सरनाईक यांनी महाविकास आघाडी व भाजपला धक्का देत ६,५२८ मिळविली असली तरी विजयासाठी त्यांना एकूण १४,९१६ मते मिळवावी लागणार आहेत. विजयासाठी १४ हजार ९१६ मतांचा कोटा निर्धारित करण्यात आला. शिवसेनेचे श्रीकांत देशपांडे ५,४४७ मतांसह दुसऱ्या क्रमांकावर कायम आहे. तर अपक्ष उमेदवार मनोहर भोयर हे ५२०५ मतांसह तिसऱ्या क्रमांकावर विराजमान आहे. सुरुवातीपासून तिघेही याच क्रमांकावर कायम आहे.

तिसऱ्या पसंती क्रमांकावर मतमोजणी जाणार
पहिल्या दोन पसंती क्रमांकाची मतमोजणी पार पडल्यानंतरही विजयी उमेदवाराची घोषणा होऊ शकलेली नाही. विजयासाठी आवश्यक असलेल्या १४ हजार ९१६ मतांचा कोट्याजवळ कोणताही उमेदवार पोहोचू शकलेला नाही. अपक्ष उमेदवार किरण सरनाईक यांनी महाविकास आघाडी व भाजपला धक्का देत ६,५२८ मिळविली असली तरी ते विजयापासून दूरच आहे. यामुळे तिसऱ्या पसंती क्रमांकावर मतमोजणी जाणार का? अशी शक्यता वर्तवली जात आहे.

विसावी फेरी 
दुसऱ्या क्रमांकाच्या पसंतीचे मतं
सरनाईक : 6709
देशपांडे  :  5600
भोयर :      5432
धांडे   :      2414
कोटा   : 14 हजार 916
Edited By : Atul Mehere

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com