गृहमंत्र्यांनी थोपटली एकनाथांची पाठ, पोलिस दलाचा उत्साह वाढला…

मुंबईला पाकव्याप्त काश्‍मीर म्हणणाऱ्यांनाही समाजानेच त्यांची जागा दाखवण्याची वेळ आता आली आहे. समाज एकत्र होईल, तेव्हाच कुठे अशा प्रवृत्तींना आळा घालता येईल. त्यामुळे ही जबाबदारी आता प्रत्येक नागरिकाने उचलण्याची वेळ आली आहे.
Anil Deshmukh - Eknath
Anil Deshmukh - Eknath

नागपूर : पोलिस दलातील वाहतूक शाखेतील हवालदार एकनाथ पार्टे कर्तव्य बजावत असताना एका महिलेने त्यांना भर रस्त्यावर मारहाण केली. पण त्याही परिस्थितीत एकनाथांनी संयम ढळू न देता धैर्याने परिस्थिती हाताळली. या त्यांच्या हिंमतीबद्दल अनेकांनी त्यांना ‘हॅट्स ऑफ’ केले. गृहमंत्री अनिल देशमुख यांनीही एकनाथ पार्टे यांचा सत्कार करुन त्यांच्यासह पोलिस दलाचा उत्साह वाढवला.

त्यांचा सत्कार करताना गृहमंत्री म्हणाले, कर्तव्य बजावत असताना एकनाथ यांना मारहाण झाली, ही बाब अतिषय निषेधार्थ आहे. पोलिस हा सुद्धा माणूस असतो. त्यांच्या भावनांचा सन्मान केला पाहिजे. प्रत्येक नागरिकाने पोलीसांना समजून घेण्याचे आवाहनही त्यांनी केले. यापूर्वी शिवसेना नेते आणि खासदार संजय राऊत यांनी पोलिसांची बाजू उजलून धरली होती. ते म्हणाले होते की पोलिसविरोधी अशा प्रवृत्तीवर समाजानेच बहिष्कार घातला पाहिजे. पोलीसाला मारहाण होत असताना बघणाऱ्या लोकांनी शांत बसायला नको होते. मुळातच एकनाथ यांनी त्यांना शिवीगाळ केलीच नव्हती. ते सच्चे होते म्हणूनच संयम पाळू शकले. 

पोलिसांना मारहाण करणारे आणि मुंबई पोलीसांची अब्रू काढणाऱ्यांना आता जनतेनेच धडा शिकविला पाहीजे, असेही संजय राऊत म्हणाले. मुंबईला पाकव्याप्त काश्‍मीर म्हणणाऱ्यांनाही समाजानेच त्यांची जागा दाखवण्याची वेळ आता आली आहे. समाज एकत्र होईल, तेव्हाच कुठे अशा प्रवृत्तींना आळा घालता येईल. त्यामुळे ही जबाबदारी आता प्रत्येक नागरिकाने उचलण्याची वेळ आली आहे, असेही ते म्हणाले.       (Edited By : Atul Mehere)

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com