दारव्हा-दिग्रस-नेरमध्ये पालकमंत्री संजय राठोड पुन्हा एकदा निर्विवाद...

यवतमाळ तालुक्यात भारतीय जनता पक्षाने मुसंडी मारला असली तरी जिल्ह्याच्या इतर तालुक्यांमध्ये महाविकास आघाडीने आगेकूच केली आहे.
Sanjay Rathod
Sanjay Rathod

यवतमाळ : राज्याचे वनमंत्री व जिल्ह्याचे पालकमंत्री संजय राठोड यांचा मतदारसंघ असलेल्या दारव्हा, दिग्रस व नेर तालुक्यात संजय राठोड यांनी पुन्हा एकदा आपले निर्विवाद वर्चस्व सिद्ध केले आहे. नुकत्याच पार पडलेल्या यवतमाळ जिल्हा सहकारी बॅंकेच्या निवडणुकीत त्यांना फटका बसल्याचे मानले जात होते. पण ग्रामपंचायत निवडणुकीच्या निकालांनी येथे फक्त संजय राठोडच हे सिद्ध केले आहे. 

स्थानिक नेत्यांनी कायम ठेवली सत्ता 
जिल्ह्यातील 925 ग्रामपंचायतीच्या निवडणुकीची मतमोजणी अखेरच्या टप्प्यात पोहोचली आहे. सर्वच नेते आपापल्या गावांतील ग्रामपंचायत आपल्याकडे ठेवण्यात यशस्वी झाले आहेत. यवतमाळ तालुक्यात भाजपचे वर्चस्व दिसून येत आहे. पालकमंत्री संजय राठोड यांच्या मतदारसंघात त्यांचे निर्विवाद वर्चस्व पुन्हा एकदा सिद्ध झाले आहे. दारव्हा तालुक्यातील रामगाव रामेश्वर ग्रामपंचायतीवर जिल्हा परिषद अध्यक्ष कालिंदा पवार यांनी आपली सत्ता कायम ठेवली आहे. जिल्हा परिषदेच्या राजकारणात असलेल्या जवळपास सर्वच नेत्यांनी आपापल्या गावांत विजय मिळविला आहे. 

जिल्हा परिषद शिक्षण व आरोग्य सभापती श्रीधर मोहोड यांनीही आपला गड कायम राखत. फुबगाव ग्रामपंचायतीवर सत्ता मिळवली. जिल्हा परिषदेचे माजी अर्थ व बांधकाम सभापती निमिष मानकर यांच्या सर्कलमधील पांढरकवडा रूंझा ग्रामपंचायतीवर त्यांनी पुन्हा आपले निर्विवाद वर्चस्व कायम राखले आहे. यवतमाळ तालुक्यात भारतीय जनता पक्षाने मुसंडी मारला असली तरी जिल्ह्याच्या इतर तालुक्यांमध्ये महाविकास आघाडीने आगेकूच केली आहे. राज्यात सत्तास्थापनेसाठी वापरण्यात आलेले फॉर्म्यूला ग्रामपंचायतीच्या निवडणुकीमध्येही यशस्वी झाल्याचे बोलले जात आहे. 
Edited By : Atul Mehere

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com