रेड्डीने हेतुपुरस्सर दुर्लक्ष केल्याचा न्यायालयाचा ठपका, तरीही कारवाई का नाही?

दीपाली आत्महत्या प्रकरणात रेड्डी सरकारी दस्तऐवज फेरफार करू शकतात किंवा पुरावे प्रभावित करू शकतात. तपासात खोडा घालण्यास देखील रेड्डी कारणीभूत ठरू शकतात. दीपाली यांनी विनोद शिवकुमारच्या केलेल्या तक्रारींकडे रेड्डी यांनी हेतुपुरस्सर दुर्लक्ष केल्याचा ठपका न्या. एस. के. मुनगीलवार यांनी ठेवला आहे.
Deepali Chavan - Shivray Kulkarni
Deepali Chavan - Shivray Kulkarni

अमरावती : दीपाली चव्हाण आत्महत्याप्रकरणी तत्कालीन अपर मुख्य वनसंरक्षक एम. एस. रेड्डी यांना अचलपूर न्यायालयाने अटकपूर्व जामीन नाकारताना न्या. एस. के. मुनगीलवार यांनी रेड्डी यांच्या कृतीवर गंभीर ताशेरे ओढले आहेत. दीपाली प्रकरणाचा तपास करणाऱ्या अमरावती पोलिसांकडे अजूनही निकालाची प्रत पोहोचलेली नाही का? की रेड्डीला वाचवण्यासाठी जाणीवपूर्वक दुर्लक्ष केले जात आहे, असे प्रश्‍न भारतीय जनता पक्षाचे महाराष्ट्र प्रदेश प्रवक्ते शिवराय कुळकर्णी यांनी उपस्थित केले आहेत.
 
दीपाली चव्हाण आत्महत्याप्रकरणी एम. एस. रेड्डी यांनी अचलपूर न्यायालयात अटकपूर्व जामीन मिळवण्यासाठी धाव घेतली होती. रेड्डींचा अटकपूर्व जामीन नाकारताना न्या. एस. के. मुनगीलवार यांनी रेड्डी यांच्या कृतीवर गंभीर स्वरूपाचे ताशेरे ओढले आहेत. दीपाली प्रकरणातील आरोपी विनोद शिवकुमार याच्या सर्व तक्रारी रेड्डी यांच्या कानावर होत्या. मात्र, रेड्डी यांनी विनोद शिवकुमारवर कुठलीच कारवाई केली नाही व त्याच्या वर्तणुकीला आळा देखील घातला नाही. 

दीपाली आत्महत्या प्रकरणात रेड्डी सरकारी दस्तऐवज फेरफार करू शकतात किंवा पुरावे प्रभावित करू शकतात. तपासात खोडा घालण्यास देखील रेड्डी कारणीभूत ठरू शकतात. दीपाली यांनी विनोद शिवकुमारच्या केलेल्या तक्रारींकडे रेड्डी यांनी हेतुपुरस्सर दुर्लक्ष केल्याचा ठपका न्या. एस. के. मुनगीलवार यांनी ठेवला आहे. न्यायालयीन सुनावणीत ताशेरे मारले असतानाही पोलिसांचा व सरकारी उच्चपदस्थांचा रेड्डीला वाचवण्याचा अट्टहास का, असा प्रश्नदेखील शिवराय कुळकर्णी यांनी उपस्थित केला आहे. 

आईची पण तक्रार
दीपाली चव्हाण यांच्या आई शकुंतला चव्हाण यांनीदेखील रेड्डी यांच्या विरोधात पोलिसांकडे तक्रार दाखल केली आहे. सर्व प्रकारचे पुरावे उपलब्ध असताना सरकार रेड्डीला का वाचवते आहे, हा प्रश्न संपूर्ण समाजाला पडला असल्याचे शिवराय कुळकर्णी यांनी म्हटले आहे.
Edited By : Atul Mehere

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com