नागपुरातील भाजपचे सर्व आमदार शहरातच 

आमदार व्यास म्हणाले, आज मी आणि आमदार प्रा. अनिल सोले मुंबईला जाणार होतो. पण प्रश्‍नोत्तराचे सेशन रद्द केल्यामुळे जाण्याचे काही काम उरले नाही. त्यामुळे शहरातच राहून आम्ही सेवाकार्य करीत आहोत.
BJP
BJP

नागपूर : राज्यातील महाविकास आघाडीचे सरकार अस्थिर करण्याचे प्रयत्न गेल्या काही दिवसांपासून सुरु आहेत. त्यासाठी भाजप नेत्यांच्या राजभवनावर येरझारा वाढल्या. राज्यभर विविध चर्चा, शंका-कुशंका व्यक्त होत असताना राज्यातील भाजपच्या आमदारांना तडकाफडकी मुंबईला बोलावले असल्याच्याही चर्चा सुरु झाल्या. काही आमदारांनी मुंबईच्या दिशेने कूच केल्याचेही सांगण्यात येत होते. पण असे असताना भाजपचे नागपुरातील आमदार मात्र शहरातच आहेत. 

भारतीय जनता पक्षाचे अध्यक्ष आणि नुकतेच विधानपरीषदेवर निवडून आलेले आमदार प्रवीण दटके, दक्षिण नागपुरचे आमदार मोहन मते, पूर्वचे आमदार कृष्णा खोपडे, मध्य नागपुरचे आमदार विकास कुंभारे, आमदार गिरीष व्यास, आमदार प्रा. अनिल सोले हे सर्व जण नागपुरात आहेत. आपल्याला मुंबईला पोहोचण्यासंदर्भात पक्षाकडून कोणतीही अधिकृत सूचना किंवा आदेश मिळाला नसल्याचे आमदार खोपडे आणि आमदार व्यास यांनी "सरकारनामा'ला सांगितले. त्यामुळे आमदारांचा मुंबईला जाण्याचा प्रश्‍नच नाही, असेही ते म्हणाले. 

आमदार व्यास म्हणाले, आज मी आणि आमदार प्रा. अनिल सोले मुंबईला जाणार होतो. पण प्रश्‍नोत्तराचे सेशन रद्द केल्यामुळे जाण्याचे काही काम उरले नाही. त्यामुळे शहरातच राहून आम्ही सेवाकार्य करीत आहोत. राज्याचे विरोधी पक्ष नेते देवेंद्र फडणवीस यांनी पत्रकार परीषद घेऊन शिवसेनेला जे उत्तर द्यायचे होते, ते दिले आहे. त्यामुळे सध्यातरी आमदारांचे मुंबईत काही काम नाही, असे वाटते. कॉंग्रेस पक्षाचे जबाबदार नेते माजी मुख्यमंत्री पृथ्वीराज चव्हाण आणि राहुल गांधी यांच्याकडून जे वक्तव्य केले जात आहेत, ते योग्य नाही. कारण त्या पक्षाचे विजय वडेट्टीवार, नितीन राऊत, सुनील केदार, माजी मुख्यमंत्री अशोक चव्हाण, प्रदेशाध्यक्ष बाळासाहेब थोरात यांच्यासारखे ज्येष्ठ नेते ठाकरे सरकारमध्ये मंत्री आहेत. आता त्यांनी ठोस भूमिका घ्यावी, असा सल्लाही आमदार व्यास यांनी दिला आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com