Five killed in blast at Bella sugar factory | Sarkarnama

बेल्यातील साखर कारखान्यात झालेल्या स्फोटात पाच ठार

सरकारनामा ब्युरो
शनिवार, 1 ऑगस्ट 2020

नाशिकच्‍या एका खासगी कंपनीकडे येथील वेल्‍डिंगचे काम आहे. माहिती मिळताच बेला पोलिसांनी घटनास्‍थळी धाव घेतली. चेंबरवरील मृतदेह काढण्यात आले. गावात वृत्त कळताच जमावाने घटनास्थळी धाव घेतली. कामगारांच्या मृत्यूला प्रशासनाला जबाबदार धरून अजूनही नातेवाईकांनी मृतदेह स्विकारले नसल्याची माहिती आहे.

बेला (नागपूर) : खुर्सापारनजिक असलेल्‍या वडगाव येथे मानस ॲग्रो ॲंड इम्‍फ्रा लिमीटेड या कारखान्‍यात दुपारी अडीच वाजताच्‍या सुमारास मोठा स्फोट झाला. यात पाच जणांचा मृत्‍यू झाला. वेल्डींग करत असताना ठिणगी गॅसच्या टाकीत पडून हा स्फोट झाल्याचे सांगण्यात आले. आमदार राजू पारवे यांनी घटनेच्या चौकशीची मागणी केली आहे.

स्‍फोटात ठार झालेल्‍यात मंगेश‍ प्रभाकर नौकरकर (वय२३), वासुदेव विठ्‌ठल लडी (वय३०), प्रफुल्‍ल पांडुरंग मून (वय २५), सचिन प्रकाश वाघामारे (वय२४), लिलाधर वामन शेंडे (वय ३५) यांचा समावेश आहे. मानस ॲग्रेा इम्‍फ्रास्‍ट्रक्‍चर प्रा.लिमिटेड या वडगाव येथे असलेल्‍या साखर कारखान्‍यात इथेनॉल तयार करणाऱ्या युनीट एकमध्‍ये आज दुपारी अडिचच्‍या सुमारास टाकीवर गॅस वेल्‍डींग करीत असताना वेल्‍डींगची ठिणगी गॅसमध्‍ये पडली. त्‍यामुळे गॅसचा स्‍फोट होऊन पाच जण ठार झाले.

नाशिकच्‍या एका खासगी कंपनीकडे येथील वेल्‍डिंगचे काम आहे. माहिती मिळताच बेला पोलिसांनी घटनास्‍थळी धाव घेतली. चेंबरवरील मृतदेह काढण्यात आले. गावात वृत्त कळताच जमावाने घटनास्थळी धाव घेतली. कामगारांच्या मृत्यूला प्रशासनाला जबाबदार धरून अजूनही नातेवाईकांनी मृतदेह स्विकारले नसल्याची माहिती आहे. आमदार राजू पारवे यांनी घटनास्थळी भेट देऊन चौकशीची मागणी केली आहे.  (Edited By : Atul Mehere) 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख