महिला इरेला पेटल्या ! त्या निर्णयाचा बदला घेण्यासाठी स्वतंत्र पॅनल - Women set Irela on fire! A separate panel to avenge that decision | Politics Marathi News - Sarkarnama

ब्रेकिंग न्यूज

पूरग्रस्तांना तातडीची मदत; घरात पाणी शिरलेल्यांना १० हजार, अन्न धान्याचे नुकसान झालेल्यांना ५ हजार रुपय मिळणार. वडेट्टीवार यांची घोषणा
सातारा : राष्ट्रवादी काँग्रेसच्या सर्व आमदार व खासदारांचे एक महिन्याचे वेतन पुरग्रस्तांना देण्यात येणार आहे, अशी माहिती उपमुख्यमंत्री अजित पवार यांनी सांगलीत दिली.

महिला इरेला पेटल्या ! त्या निर्णयाचा बदला घेण्यासाठी स्वतंत्र पॅनल

अनिल चाैधरी
शुक्रवार, 11 डिसेंबर 2020

पारनेर तालुक्यात बहुतांश ग्रामपंचायतींच्या निवडणुका जाहीर झाल्या आहेत. तालुक्याचे लक्ष लागलेल्या निघोज ग्रामपंचायतीची निवडणूकही होत आहे.

निघोज : महिलांनी गावात दारूबंदी केली होती. तथापि, पुढाऱ्यांनी ती उठविल्याने त्या संतप्त होत्या. आता ग्रामपंचायत निवडणुकीत या महिला उतरणार आहेत. स्वतंत्र पॅनल उभे करून संबंधित पुढाऱ्यांना धडा शिकविण्याचा निर्णय दारूबंदी चळवळीतील महिलांनी घेतला आहे.

पारनेर तालुक्‍यात बहुतांश ग्रामपंचायतींच्या निवडणुका जाहीर झाल्या आहेत. तालुक्याचे लक्ष लागलेल्या निघोज ग्रामपंचायतीची निवडणूकही होत आहे. त्यासाठी अनेकांनी गुडघ्याला बाशिंग बांधले आहे. दरम्यान, ऑगस्टमध्ये गावातील महिलांनी एकत्र येऊन गावात दारूबंदीचा लढा जिंकला होता.

निघोजच्या या महिलांचे जिल्ह्यातच नव्हे, तर महाराष्ट्रात राज्यभरातून कौतुक झाले. मोठ्या गावामध्येही दारूबंदी होऊ शकते, हे येथील महिलांनी दाखवून दिले होते. मात्र, अवघ्या तीन वर्षांत पुढाऱ्यांनी ग्रामपंचायतीचा ठराव देऊन दारूबंदी उठविल्याने गावातील अनेक महिला नाराज झाल्या. त्यांनी आता या पुढाऱ्यांना अद्दल घडविण्यासाठी ग्रामपंचायत निवडणुकीत उतरण्याचा निर्णय घेतला आहे.

महिलांचे स्वतंत्र पॅनल उभे करून पुन्हा ताकद दाखविण्यासाठी त्या सरसावल्या आहेत. त्यामुळे गावातील पुढारी व महिलांमध्ये या निवडणुकीत संघर्ष पाहायला मिळेल. निघोज ग्रामपंचायतीची निवडणूक यंदाही जिल्ह्यात गाजण्याची चिन्हे आहेत.

"त्या' प्रकाराचा बदला घेणार

महिलांनी एकजूट करून गावात दारूबंदी केली असताना, गावातील पुढाऱ्यांनी ठराव करून ती उठविली. त्यामुळे गावातील महिलांचा एक प्रकारे अपमान झाला आहे. त्याचा बदला घेण्यासाठी आम्ही आता निवडणुकीच्या रिंगणात उतरण्याचा निर्णय घेतला आहे, असे दारुबंदी चळवळीतील कार्यकर्त्या कांता लंके यांनी सांगितले.

 

Edited By - Murlidhar Karale

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख