मतदारांना वाटल्या साड्या ! राळेगणसिद्धी येथे आचार संहितेचा भंग

राळेगणसिद्धी येथे सुरेश दगडू पठारे तसेच किसन मारूती पठारे यांना मतदारांना साडया वाटताना भरारी पथकाने पकडले. दोघांनाही तहसिलदार ज्योती देवरे यांच्यापुढे हजर करण्यात आल्यानंतर देवरे यांनी त्यांच्या विरोधात पोलीस ठाण्यात गुन्हा दाखल करण्याचे आदेश दिले.
acharsanhita.png
acharsanhita.png

पारनेर : तालुक्यात उद्या (ता. 15) होणाऱ्या ग्रामपंचायत निवडणुकीच्या पार्श्‍वभुमिवर राळेगणसिद्धी येथे मतदारांना साड्या वटाप करताना दोघांना भरारी पथकाचे अधिकारी तथा गटशिक्षणाधिकारी बाळासाहेब बुगे यांनी पकडले. त्यांच्या विरोधात पारनेर पोलीस ठाण्य़ात आचारसंहिता भंगाचा गुन्हा दाखल करण्याची प्रक्रिया रात्री उशिरापर्यंत सुरू होती.

आज सायंकाळी साडेसहा वजण्याच्या सुमारास राळेगणसिद्धी येथे सुरेश दगडू पठारे तसेच किसन मारूती पठारे यांना मतदारांना साडया वाटताना भरारी पथकाने पकडले. दोघांनाही तहसिलदार ज्योती देवरे यांच्यापुढे हजर करण्यात आल्यानंतर देवरे यांनी त्यांच्या विरोधात पोलीस ठाण्यात गुन्हा दाखल करण्याचे आदेश दिले. त्यानुसार भरारी पथकाचे अधिकारी बुगे यांच्या फिर्यादीनुसार या दोघांविरोधात पारनेर पोलस ठाण्यात गुन्हा दाखल करण्याचे काम सुरू होते.

राळेगणसिद्धीची ग्रामपंचायत निवडणूक बिनविरोध करण्याचा प्रस्ताव एकत्रीत ग्रामस्थांच्यावतीने ठेवण्यात आला होता. गावातील परंपरागत विरोधक असलेले जयसिंग मापारी व लाभेश औटी यांनी आपल्यातील राजकिय विरोध बाजूला ठेऊन गावाची निवडणूक बिनविरोध करण्याचे ठरविले होते. त्यासाठी नांवेही निश्चित केली होती. त्या नावावर व बिनविरोध निवडणुकीवरही ज्येष्ठ समाजसेवक अण्णा हजारे यांच्या उपस्थितीत राळेगणसिद्धीत झालेल्या बैठकीत मान्यताही देण्यात आली होती. 

मात्र काही तरूणांनी व राजकिय विरोधकांनी ठराविक लोकांनी बिनविरोध निवडणुकीचा  व सदस्यांची नांवे निवडण्याचा निर्णय परस्पर घेतला आहे, आम्हाला विश्वासात घेतले नाही, असा प्रचार गावात करीत बिनविरोध निवडणुकीच्या विरोधात भूमिका घेतली. तसेच आम्हाला विश्वासात घेतले नाही, ही तक्रार हजारे यांच्याकडेही केली, त्यावेळी हजारे यांनी तुम्हाला मान्य नसेल, तर लोकशाही मार्गाने तसेच शांततेच निवडणुकीला कुठलेही गालबोट लागणार नाही, या पद्धीने निवडणूक करा, असा सल्ला दिला होता.

कालपर्यंत अतिशय शांततेत प्रचार करीत असलेल्या आदर्शगाव राळेगणसिद्धीतच आजा मात्र साड्या वाटताना सुरेश पठारे व किसन पठारे या दोघांना 136 साड्या व एक चारचाकी गाडीसह बुगे यांनी पकडले. यांच्यासोबत महिला सुद्धा होत्या. मात्र त्यांना ताब्यात घेतले नाही, असेही समजते. 

दरम्यान, याबाबत महाराष्ट्रभर चर्चा सुरू झाली आहे.

Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com