जगताप, नागवडे यांच्या रुपाने श्रीगोंद्याच्या राजकारणात दुधात साखर - Sugar in milk in the politics of Shrigonda in the form of Jagtap, Nagwade | Politics Marathi News - Sarkarnama

ब्रेकिंग न्यूज

मुख्यमंत्र्यांकडून 5 हजार 400 कोटींचे पॅकेज जाहिर...
पुढील 15 दिवस संचारबंदीच्या काळात अत्यावश्यक सेवा सुरू राहणार...
अत्यावश्यक सेवेतील कर्मचाऱ्यांसाठी सार्वजनिक वाहतूक सेवा सुरू ठेवणार...
नोंदणीकृत घरगुती कामगारांनाही आर्थिक मदत देणार...
नोंदणीकृत फेरीवाल्यांनाही पंधराशे रुपयांची मदत मिळणार...
परवानाधारक रिक्षाचालकांना पंधराशे रुपये देणार...
पुढील महिनाभर गरीबांसाठी मोफत शिवभोजन थाळी...दोन किलो तांदूळ, तीन किलो गहू मिळणार
राज्यात उद्या रात्री आठ वाजल्यापासून संचारबंदी...मुख्यमंत्र्यांची घोषणा

जगताप, नागवडे यांच्या रुपाने श्रीगोंद्याच्या राजकारणात दुधात साखर

संजय आ. काटे
शुक्रवार, 12 फेब्रुवारी 2021

बँकेच्या राजकारणात श्रीगोंद्यातून सगळा विरोध मुठीत गुंडाळत थेट बिनविरोध जाण्याची किमया साधल्याने सहकारातील जाणत्यांच्या भुवया उंचावल्या गेल्या. 

श्रीगोंदे : जिल्हा बँकेत सेवा संस्था मतदारसंघातून माजी आमदार राहुल जगताप यांनी बिनविरोध बाजी मारल्यानंतर आता तोच कित्ता गिरवित काँग्रेसच्या नेत्या अनुराधा नागवडे याही महिला मतदारसंघातून बँकेत बिनविरोध गेल्या आहेत. एकाचवेळी आघाडीचे हे दोन दिग्गज बिनविरोध झाल्याने तालुक्यातील सहकारावर पुन्हा एकदा या दोन कारखानदार कुटूंबांचे वर्चस्व स्थापित झाले आहे.

जगताप आमदारकीच्या निवडणूकीत थांबले मात्र जिल्हा सहकारी बँकेत जाण्यासाठी बड्या-बड्यांना ताकत लावावी लागते तरीही यश मिळत नाही त्याच बँकेच्या राजकारणात श्रीगोंद्यातून सगळा विरोध मुठीत गुंडाळत थेट बिनविरोध जाण्याची किमया साधल्याने सहकारातील जाणत्यांच्या भुवया उंचावल्या गेल्या.

हेही वाचा.. विखे पाटील, तनपुरेंनी कर्डिलेंना झुंजायला लावले 

जगताप यांना बँकेत जावू न देण्यासाठी आमदार बबनराव पाचपुते गटाने मोठी व्यूव्हरचना केली होती. विद्यमान संचालक दत्तात्रेय पानसरे यांनी बँकेत जाण्याची पुर्ण तयारी केली होती. तालुक्यातील 168 सेवा संस्था मतदार आहेत. त्यांचे ठराव करण्यासाठी दोन्ही बाजूंनी मोठी यंत्रणा लागली होती. शेवटी जगताप भारी ठरले आणि पानसरे यांनी या मतदारसंघात अर्जच न भरता माघार घेतली.

काँग्रेसनेते राजेंद्र नागवडे यांनी ठरल्याप्रमाणे माघार घेतल्याने पाचपुते गट निवडणूक कशी करणार, याची उत्सुकता होती. या मतदारसंघात तालुका खरेदी विक्री संघाचे उपाध्यक्ष प्रविण कुरुमकर व बाजार समितीचे माजी उपाध्यक्ष वैभव पाचपुते यांचे अर्ज होते. त्यातील पाचपुते यांनी सकाळीच माघार घेत जगताप यांना पाठींबा दिला. दुपारी कुरुमकर हे तर त्यांच्या नेत्यांना चकवा देत बैठकीतून थेट जगताप यांच्या वाहनात येवून बसले. यात बाजार समिती संचालक बाळासाहेब नाहाटा यांनी महत्वाची भुमिका बजावली. त्यामुळे सगळेच चक्रावले. कुरुमकरांना माघारीपासून थांबविण्याचा मोठा प्रयत्नही झाला. कुरुमकर हे निवडणूक लढण्याच्या मानसिकतेत नसल्याने त्यांनी माघार घेत जगताप यांचा बिनविरोध होण्याचा मार्ग मोकळा केला.

हेही वाचा... कर्डिलेंनी थोरांकडे चकरा मारण्याऐवजी अजितदादांकडे गेले असते तर...

राहुल जगताप यांचे वडील कुंडलिकराव जगताप हे बँकेचे बारा वर्षे संचालक होते. त्यांनी कुकडी कारखाना व बँकेच्या माध्यमातून तालुक्यातील शेतकऱ्यांना वेगळी ओळख निर्माण करुन दिली आहे. राहूल जगताप यांनी आमदार व्हावे व जिल्हा बँकेत जावे या त्यांच्या दोन्ही इच्छा आता पुर्ण झाल्या आहेत.

दरम्यान, जगताप हे बिनविरोध बँकेत जात असल्याने आमदार पाचपुते गटाला मोठा धक्का बसला असतानाच अनुराधा नागवडे याही बिनविरोध झाल्याने तालुक्याचे राजकारण पुन्हा एकदा या दोन्ही नेत्यांच्या हाती येते की काय, अशी शंका भाजपच्या कार्यकर्त्यांना वाटू लागली आहे. जगताप यांनी बँकेत प्रखर विरोधानंतरही बँकेत अशा रितीने जात त्यांची राजकीय परिपक्वता सिध्द केल्याचे बोलले जाते.

वडील कुंडलिकराव तात्यांचे स्वप्न साकार करणाऱ्या राहुल जगताप यांच्यानंतर सासरे शिवाजीराव बापू नागवडे यांचेही स्वप्नही साकार करण्याचा मान अनुराधा नागवडे यांनी मिळविला. या दोन दिवंगत नेत्यांचे वारसदार म्हणून पुढे आलेल्या राहुल जगताप व अनुराधा नागवडे यांच्या या निवडी भविष्यात भारतीय जनता पक्षासाठी मात्र अडचणीच्या ठरणार आहेत.

'तात्यां'च्या वडीलकीची जागा घेतली 'काकां'नी

राहुल यांचे वडील कुंडलिकराव जगताप यांनी मुलाने जिल्ह्याच्या राजकारणात जावे, असे वाटत होते. मात्र त्यांच्या अकाली निधनानंतर राहुल ही पहिलीच निवडणूक लढवित होते. त्यात त्यांना कुठलाही धोका होवू नये यासाठी आमदार अरुण जगताप यांनी जातीने लक्ष दिले. ते बिनविरोध होईपर्यंत त्यांनी लावलेली फिल्डींग विरोधक भेदू शकले नाहीत 

 

Edited By - Murlidhar karale

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख