नगर : ``रोहित पवार यांनी कोंबड्यांची पिल्ले विकली, मासे, बी-बियाणे इकडे आणून विकली,`` या माजी मंत्री प्रा. राम शिंदे यांच्या आरोपाला आमदार रोहित पवार यांनी खरमरीत शब्दांत उत्तर दिले आहे. ``मला जाहिरातबाजी करायची नाही, लोकांना ही कामे जनतेसमोर मांडणे माझे कर्तव्य समजतो,`` अशा शब्दांत पवार यांनी उत्तर दिले.
कर्जत येथे प्रा. शिंदे यांनी माध्यमांशी बोलताना कर्जत-जामखेड मतदारसंघातील प्रश्नांबाबत चर्चा केली. बारामती पॅटर्नवर टीका करून आमदार पवार यांनी जनतेसाठी काय दिले, असा प्रश्न उपस्थित केला. त्यावर पवार यांनी फेसबूकवर कामांची माहिती दिली. ते म्हणाले, की जामखेेड-कर्जतवासियांनी प्रचंड विश्वासाने माझ्या अंगावर गुलाल टाकला आहे. त्या गोष्टीला आता एक वर्ष पूर्ण होत आहे. हा कालावधी खूप छोटा आहे. तरीही मतदारसंघाच्या विकासासाठी मी अनेक कामे करू शकलो. याची गोळाबेरीच मी सोशल मीडियावर मांडली. लोकांना कामे दिसतच असतात. मला कामांची जाहिरातबाजी करायची नाही, असा टोला त्यांनी दिला.
कर्जत-जामखेड येथे विकासाची पेरणी केली आहे. सर्वसामान्यांच्या मदतीने खत घालून या मादीत विकासाचं पिक काढण्याचा माझा प्रयत्न आहे. हे पिक लवकरच बहरात येणार आहे, असे प्रा. शिंदे यांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.