अजितदादांचा फोन आला, आरोग्याचे सल्ले मिळाले अन प्रशांत गायकवाड कुटुंबिय भारावले

कोरोनाची बाधा झाल्यामुळे प्रशांत गायकवाड ही गेल्या आठ दिवसांपासून नगरच्या एका खासगीरुग्णालयात उपचार घेत आहेत. प्रशांत यांच्यामुळे त्यांच्या पत्नी सोनल यांनाही कोरोनाची बाधा झाली.
Prashant gaikwad.jpg
Prashant gaikwad.jpg

नगर : पारनेर बाजार समितीचे सभापती व जिल्हा बँकेचे संचालक प्रशांत गायकवाड तसेच त्यांच्या पत्नी सोनल या दोघांनाही कोरोनाची बाधा झाल्याने ते सध्या नगर येथील खासगी रुग्णालयात उपचार घेत आहेत.

राज्याचे उपमुख्यमंत्री अजित दादा पवार यांनी सोमवारी सकाळी गायकवाड यांच्याशी फोनवर संपर्क साधत उभयतांच्या तब्येतीची चौकशी केली. आरोग्य तसेच आहाराबाबत सल्लेही दिले. अजित दादांनी केलेल्या चौकशीमुळे गायकवाड दांम्पत्य भारावून गेले असून, अजित दादांच्या आशीर्वादाने आम्ही लवकरच कोरोनावर मात करू, असा विश्वास प्रशांत व सोनल गायकवाड यांनी व्यक्त केला.

कोरोनाची बाधा झाल्यामुळे प्रशांत गायकवाड ही गेल्या आठ दिवसांपासून नगरच्या एका खासगी रुग्णालयात उपचार घेत आहेत. प्रशांत यांच्यामुळे त्यांच्या पत्नी सोनल यांनाही कोरोनाची बाधा झाली. त्यामुळे दोघे एकाच रुग्णालयात एकाच खोलीत उपचार घेत असून, त्यांच्या प्रकृतीस कोणताही धोका नाही. लवकरच दोघांना डिस्चार्ज देण्यात येणार आहे. त्यानंतर काही दिवस ते घरीच विश्रांती घेणार आहेत.

नगरच्या रूग्णालयात उपचार घेत असताना सोमवारी सकाळी उपमुख्यमंत्री अजित दादांच्या देवगिरी बंगल्यावरून गायकवाड यांच्या मोबाईलवर फोन आला. थेट अजित दादा पवार बोलू लागल्याने गायकवाड यांना सुखद धक्का बसला. पवारांनी गायकवाड यांच्या प्रकृतीची चौकशी केली. ऑक्सीजन लेवल काय आहे? एच आर सिटी चाचणी केली आहे का? कोणते डॉक्टर उपचार करीत आहेत, याबरोबरच कोरोणा रुग्णांनी कोणता आहार घ्यावा, कोणते उपचार करावेत, याबाबतही अजित दादांनी मार्गदर्शन केले.

सध्याचा व्हायरस मागील व्हायरस पेक्षा अधिक धोकादायक आहे, त्यामुळे ऑक्सिजनची पातळी कमी होणार नाही, याकडे जाणीवपूर्वक लक्ष देण्याचा सल्लाही पवार यांनी दिला.

प्रशांत यांच्या पत्नी सोनल यांच्याशीही अजित दादांनी संभाषण केले. अजित दादांशी बोलताना सोनल यांच्या डोळ्यात आनंदाश्रू उभे राहिले. एखाद्या छोट्या कार्यकर्त्यांचीही अजित दादा किती आपुलकीने चौकशी करतात, याचा अनुभव आज मी घेतला. दादांच्या संभाषणामुळे आपण भारावून गेल्याचे सोनल यांनी सांगितले.

सोनल यांनाही पवार यांनी काही मौलिक सूचना केल्या. प्रशांत गायकवाड यांचे वडील कृषिभूषण सबाजीराव गायकवाड यांच्यासह संपूर्ण गायकवाड कुटुंबाचीही अजितदादांनी चौकशी केली.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com