पेट्रोल-डिझेलचे दर वाढले, शिवसेनेने आणली बैलगाडी ! - Petrol-diesel prices go up, Shiv Sena brings bullock carts! | Politics Marathi News - Sarkarnama

ब्रेकिंग न्यूज

पंतप्रधान नरेंद्र मोदी आज रात्री ८ :४५ वाजता COVID परिस्थितीवर देशाला संबोधित करतील.
पंतप्रधान नरेंद्र मोदी आज रात्री ८ :४५ वाजता COVID परिस्थितीवर देशाला संबोधित करतील.
कोरोना इफेक्ट : राज्य माध्यमिक शिक्षण मंडळाकडून घेण्यात येणाऱ्या दहावीच्या परीक्षा रद्द
सातारा : कोयना परिसर भूकंपाच्या धक्क्याने हादरला. भुकंपाची साखळी वेळ-3.22 रिश्टर स्केल-3.00, वेळ-3.44 रिश्टर स्केल-2.8.

पेट्रोल-डिझेलचे दर वाढले, शिवसेनेने आणली बैलगाडी !

मुरलीधर कराळे
शनिवार, 12 डिसेंबर 2020

केंद्र सरकार फक्त मोठ-मोठ्या घोषणा करत आहे. प्रत्यक्षात नागरिकांना त्याचा कोणताही लाभ होत नाही. केंद्र सरकार हे मुठभर उद्योगपतींच्या फायद्याचेच निर्णय घेत आहेत.

नगर : पेट्रोल-डिझेल दरवाढीच्या निषेधार्थ शिवसेनेच्या वतीने बैलगाडी आणून केंद्र सरकारचा निषेध केला. तसेच शेतकऱ्यांचा अपमान करणारे भाजपनेत्यांचा निषेध करण्यात आला.

बसस्थानक जवऴील छत्रपती शिवाजी महाराज चौकात निदर्शने करण्यात आले. तसेच या वेळी शेतकर्‍यांबद्दल अपशब्द वापरल्याबद्दल केंद्रीय मंत्री रावसाहेब दानवे यांच्या प्रतिमेस शाई फेकून त्यांचा निषेध करण्यात आला.

या प्रसंगी शहरप्रमुख दिलीप सातपुते, युवा सेना जिल्हाध्यक्ष विक्रम राठोड, माजी महापौर भगवान फुलसौंदर, माजी महापाैर अभिषेक कळमकर, माजी शहरप्रमुख संभाजी कदम, नगरसेवक अनिल शिंदे, बाळासाहेब बोराटे, योगिराज गाडे, जिल्हा परिषद सदस्य संदेश कार्ले उपस्थित होते.

सातपुते म्हणाले, की केंद्र सरकार फक्त मोठ-मोठ्या घोषणा करत आहे. प्रत्यक्षात नागरिकांना त्याचा कोणताही लाभ होत नाही. केंद्र सरकार हे मुठभर उद्योगपतींच्या फायद्याचेच निर्णय घेत आहेत. त्याचा परिणाम सर्वसामान्यांवर होत आहे. त्यामुळे महागाईमध्ये वाढ होत आहे. गेल्या आठ महिन्यांपासून कोरोनाने जनता आर्थिक संकटात सापडली असून, त्यांना दिलासा देण्याऐवजी पेट्रोल-डिझेलसह सर्वच जीवनावश्यक वस्तूंचे भाव वाढत आहे. यावर तातडीने निर्णय न घेतल्यास आणखी तीव्र स्वरुपाचे आंदोलन केले जाईल.

दानवेच खरे शेतकऱ्यांचे शत्रू

विक्रम राठोड म्हणाले, की शेतकरी आपल्या हक्कांसाठी सनदशिर मार्गाने आंदोलन करत असताना त्यांना पाकिस्तान पुरस्कृत आंदोलन म्हणणारे केंद्रीय मंत्री रावसाहेब दानवे हे खरे देशाचे शत्रू आहेत. अन्नदात्त्याबद्दल त्यांनी वादग्रस्त वक्तव्य करुन शेतकर्‍यांबरोबरच सर्वसामान्य जनतेचाही अनादर केला आहे. केंद्र सरकारच्या निर्णयांचा सर्वसामान्यांला मोठा फटका बसत असून, सर्वत्र दरवाढीमुळे जनता मेटाकुटीला आली आहे. याचा निषेध करुन दरवाढ मागे घेण्यात यावी, अशी शिवसेनेची मागणी आहे.

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख