पाथर्डीत पालकमंत्री मुश्रीफ यांच्या वाहनांचा ताफा अडविला

भाजपच्या कार्यकर्त्यांनी पालकमंत्री हसन मुश्रीफ यांच्यागाड्यांचा ताफा अडविला. नुकसानीची पाहणी करू नका, पंचनामे करू नका, सर्व शेतकऱ्यांना सरसकट अनुदान द्या, अशी मागणी भाजपच्या वतीने करण्यात आली.
 hasan-mushrif-final.jpg
hasan-mushrif-final.jpg

नगर : पाथर्डी तालुक्यात अतिवृष्टीमुळे पिकांच्या नुकसानीची पाहणी करण्यासाठी गेलेले पालकमंत्री हसन मुश्रीफ यांचा ताफा भाजपच्या कार्यकर्त्यांनी अडविला. पंचनामे, पाहणी करू नये, तर सरसकट हेक्टरी 50 हजार रुपये शेतकऱ्यांना नुकसानभरपाई द्यावी, अशी मागणी भाजपच्या वतीने करण्यात आली.

मागील काही दिवसांपासून जिल्ह्यात अतिवृष्टी सुरू आहे. त्यामुळे पिके हातची गेली आहेत. मोठा खर्च करून पिकविलेली पिके अतिपाण्यामुळे पिवळी पडली. काही नष्ट झाली. काही वाहून गेले. याची पाहणी करण्यासाठी पालकमंत्री मुश्रीफ आज पाथर्डी व शेवगाव तालुक्यात गेले. पाथर्डी येथून भालगावकडे जात असताना पंचायत समितीच्या कार्यालयासमोर भाजपच्या कार्यकर्त्यांनी त्यांच्या गाड्यांचा ताफा अडविला. नुकसानीची पाहणी करू नका, पंचनामे करू नका, सर्व शेतकऱ्यांना सरसकट अनुदान द्या, अशी मागणी भाजपच्या वतीने करण्यात आली. या वेळी भाजपचे तालुकाध्यक्ष माणिक खेडकर, पंचायत समिती सदस्य विष्णुपंत अकोलकर, काकासाहेब शिंदे, सुभाष केकाण आदी तसेच भाजपचे अनेक कार्यकर्ते उपस्थित होते.

दरम्यान, महाराष्ट्रातही शेतकऱ्यांचे मोठे नुकसान झाले असून, सरसकट नुकसान भरपाई मिळावी, अशी मागणी होऊ लागली आहे.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com