पदाधिकाऱ्यांनी तक्रार करण्यापेक्षा चांगले काम करावे : विखे पाटील

वर्षभरात सर्वांसमोर कोरोनाचे मोठे संकट होते. त्यामुळे आता टप्प्याटप्प्याने विकास कामांना प्रारंभ होत आहे. कोरोना रुग्णांची संख्या पुन्हा वाढत आहे; परंतु नियमांचे पालन केल्यास घाबरण्याची गरज नाही.
radhakrushna vikhe.jpg
radhakrushna vikhe.jpg

श्रीरामपूर : "वर्षभरात सर्वांसमोर कोरोनाचे मोठे संकट होते. त्यामुळे आता टप्प्याटप्प्याने विकास कामांना प्रारंभ होत आहे. कोरोना रुग्णांची संख्या पुन्हा वाढत आहे; परंतु नियमांचे पालन केल्यास घाबरण्याची गरज नाही. प्रशासकीय अधिकारी आणि कर्मचाऱ्यांचे काम जबाबदारीचे आहे. अनेक गावांतून निधी मिळण्याबाबत तक्रारी येतात; परंतु पंचायत समितीने तालुक्‍यात सर्वत्र चांगली कामे केली. पदाधिकाऱ्यांनी तक्रारी करण्यापेक्षा चांगले काम करीत रहावे,'' असे प्रतिपादन माजी मंत्री राधाकृष्ण विखे पाटील यांनी केले. 

येथील पंचायत समितीच्या सभागृहात आयोजित आढावा बैठकीत ते बोलत होते. गटविकास अधिकारी जालिंदर आभाळे, सभापती संगीता शिंदे, उपसभापती बाळासाहेब तोरणे, माजी सभापती नानासाहेब पवार, दीपक पटारे, जिल्हा परिषदेचे सदस्य शरद नवले, गणेश मुदगुले उपस्थित होते. गटविकास अधिकारी आभाळे यांनी प्रास्ताविकात पंचायत समितीच्या कामकाजाची माहिती दिली.

विविध विभागांच्या अधिकाऱ्यांनी माहिती दिली. गटविकास अधिकारी आभाळे यांना नाशिक येथे बढती मिळाल्याबद्दल आमदार विखे पाटील यांनी आभाळे यांचा सत्कार करून पुढील वाटचालीस शुभेच्छा दिल्या. आभाळे यांच्या कामांचे कौतुक केले. 

विखे पाटील म्हणाले, "पदाधिकाऱ्यांनी तक्रारी करण्याऐवजी चांगले काम करीत राहावे. त्यातून निश्‍चित चांगला मार्ग मिळेल. गटविकास अधिकारी आभाळे यांना मोठी संधी मिळाली असून, ते नाशिक येथे रुजू झाल्यानंतर त्यांनी श्रीरामपूरसाठी भरीव निधी मिळण्यासाठी विशेष लक्ष द्यावे, अशी अपेक्षा आहे.'' 

तालुका आरोग्य अधिकारी डॉ. मोहन शिंदे यांनी आरोग्य विभागाची माहिती दिली. गटशिक्षणाधिकारी संजीवन दिवे यांनी शिक्षण विभागाची माहिती दिली. अभियंता राजेश इवळे, गोपाल सपकार, डॉ. विजय धिमते, आशा लिप्टे, प्रकाश खताळ यांनी मनोगत व्यक्‍त केले. सभापती संगीता शिंदे यांनी आभार मानले. 

Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com