नगर : पालकमंत्री या नात्याने राष्ट्रवादी काॅंग्रेसचे नेते हसन मुश्रीफ उद्या (गुरुवारी) नगर जिल्ह्यातील शेवगाव-पाथर्डी मतदारसंघात पावसामुळे झालेल्या नुकसानीची पाहणी करणार आहेत. हा मतदारसंघ भाजपच्या आमदार मोनिका राजळे यांचा आहे. त्यामुळे पाहणी, पंचनामे, मदत पुरेशी मिळेल का, जिल्ह्यात इतर जिल्ह्यातही पिकाचे मोठे नुकसान झाले आहे. पालकमंत्री केवळ दोनच ठिकाणी पाहणी करणार असल्याने इतर तालुक्यातील नुकसानभरपाई मिळेल का, अशी शंका शेतकऱ्यांमधून उपस्थित होत आहे.
पाककमंत्री मुश्रीफ उद्या सकाळी शेवगाव-पाथर्डी मतदारसंघातील भालगाव व बोधेगाव येथे पिकाच्या नुकसानीची पाहणी करतील. त्यानंतर दुपारी नगरला येऊन अतिवृष्टी आढावा व कोरोना आढावा घेतील. त्यानंतर पक्षातील पदाधिकारी व नेत्यांशी चर्चा करतील. दिवसभराच्या दाैऱ्यात ते केवळ दोन गावात नुकसान पाहणी करतील. केवळ पाहणी करून अहवाल देऊ नये, तर पालकमंत्र्यांनी तेथेच मदत जाहीर करावी, अशी मागणी या भागातील शेतकऱ्यांतून होत आहे.
शेवगाव-पाथर्डी हा मतदारसंघ भाजपच्या आमदार राजळे यांचा आहे. विरोधकांच्या मतदारसंघात राष्ट्रवादीचे नेते असलेले पालकमंत्री भरघोस मदत देतील का, असा प्रश्न शेतकऱ्यांमधून उपस्थित होत आहे. मदत देता आली नाही, तर विरोधी आमदार असल्याने मदत टाळली, असा आरोप महाविकास आघाडी सरकारवर होईल, तर जास्त मदत दिली, तर या मतदारसंघात राष्ट्रवादीची काॅलर उंचावली जाईल. त्यामुळे हा विषय पालकमंत्री कसा हाताळतात, अशी चर्चा राजकीय वर्तुळातून होत आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.