संगमनेर : मराठा समाजाला आरक्षण मिळाले पाहिजे, या मागणीसाठी सकल मराठा समाजाच्यावतीने महात्मा गांधी जयंती निमित्ताने लोकप्रतिनिधींच्या घरासमोर आंदोलन केले. संगमनेरात आज सकाळी 11 वाजता महसूलमंत्री बाळासाहेब थोरात यांच्या घरासमोर सकल मराठा समाजाने जोरदार आंदोलन करत मराठा समाजासाठी आरक्षणाची मागणी केली.
राज्य सरकारने पुनर्विचार याचिका दाखल केल्यास आरक्षणाच्या तात्काळ अंमलबजावणीचा मार्ग सुकर होऊ शकेल, सरकारने विशेष अधिवेशन बोलावून तातडीने अध्यादेश काढावा, नवीन सरकारी नोकर भरती तात्काळ थांबवावी आदी मागण्या या वेळी करण्यात आल्या. शासनाने जर मराठा समाजाच्या वरील मागण्यांचा विचार न केल्यास भविष्यात समाजाला आक्रमक भूमीका घ्यावी लागेल. त्यास सर्वस्वी सरकार जबाबदार असेल, असा इशाराही सकल मराठा समाजाच्यावतीने देण्यात आला आहे.
आंदोलनकर्त्यांचे निवेदन नायब तहसिलदार सुभाष कदम यांनी स्वीकारले. या वेळी आमदार डॉ. सुधीर तांबे, नगराध्यक्षा दुर्गा तांबे, अमोल खताळ, खंडू सातपुते, अमोल कवडे, राजेंद्र देशमुख, शरद नाना थोरात, इंद्रजीत थोरात, बाबा ओहोळ, निर्मला गुंजाळ, अर्चना बालोडे, अजय फटांगरे, रामहरी कातोरे, नवनाथ अरगडे, चंद्रकांत कडलग, अशोक सातपुते, तात्या कुटे आदी उपस्थित होते.
Edited By - Murlidhar Karale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.