मी एसटी कंडक्टरचा मुलगा, म्हणून मला प्रश्नांची जाण : प्रवीण दरेकर - I am the son of an ST conductor, so I know the questions: Praveen Darekar | Politics Marathi News - Sarkarnama

ब्रेकिंग न्यूज

मुख्यमंत्र्यांकडून 5 हजार 400 कोटींचे पॅकेज जाहिर...
पुढील 15 दिवस संचारबंदीच्या काळात अत्यावश्यक सेवा सुरू राहणार...
अत्यावश्यक सेवेतील कर्मचाऱ्यांसाठी सार्वजनिक वाहतूक सेवा सुरू ठेवणार...
नोंदणीकृत घरगुती कामगारांनाही आर्थिक मदत देणार...
नोंदणीकृत फेरीवाल्यांनाही पंधराशे रुपयांची मदत मिळणार...
परवानाधारक रिक्षाचालकांना पंधराशे रुपये देणार...
पुढील महिनाभर गरीबांसाठी मोफत शिवभोजन थाळी...दोन किलो तांदूळ, तीन किलो गहू मिळणार
राज्यात उद्या रात्री आठ वाजल्यापासून संचारबंदी...मुख्यमंत्र्यांची घोषणा

मी एसटी कंडक्टरचा मुलगा, म्हणून मला प्रश्नांची जाण : प्रवीण दरेकर

सरकारनामा ब्युरो
गुरुवार, 4 मार्च 2021

एसटी कर्मचाऱ्याच्या पगाराबाबतही आग्रही भूमिका घेतली होती. ते कर्मचारी राबत असताना त्यांचा तीन-तीन महिने पगार मिळत नाही, हे उचित नाही. मी एसटी कंडक्टरचा मुलगा असल्याने मला या विषयाची जाण आहे.

मुंबई ः राज्य परिवहन महामंडळासाठी (एसटी) विशेष पॅकेज हवे आहे. एसटी कामगारांच्या पगाराचा प्रश्न सुटावा. नवीन गाड्यांच्या माध्यमातून या मंडळाला उर्जितावस्था आणावी, अशी मागणी करून, मी एसटी कंडक्टरचा मुलगा आहे. त्यामुळे मला त्यांच्या प्रश्नांची चांगली जाण आहे, असे विधान परिषदेचे विरोधी पक्षनेते प्रवीण दरेकर यांनी आज सांगितले.

हेही वाचा.. कोकणाच्या प्रश्नावरून रामदास कदम यांची फटकेबाजी

विधानपरिषदेचे अर्थसंकल्पीय अधिवेशनात दरेकर भाषण करीत होते. ते म्हणाले, की एसटी कर्मचाऱ्याच्या पगाराबाबतही आग्रही भूमिका घेतली होती. ते कर्मचारी राबत असताना त्यांचा तीन-तीन महिने पगार मिळत नाही, हे उचित नाही. मी एसटी कंडक्टरचा मुलगा असल्याने मला या विषयाची जाण आहे. एसटीचा आर्थिक स्तर कसा उंजावेल, याचा प्रयत्न करायलार हवा. नुसतीच भागवाभागवी केली, तर एसटीला एक दिवस टाळे लावावे लागेल. एसटीसाठी दीर्घकालीन उपाययोजना करावी लागणार आहे. त्याकडे जास्त प्रमाणावर लक्ष दिले पाहिजे. परिवहनमंत्री हे मुख्यमंत्र्यांच्या जवळचे आहेत. त्यामुळे त्यांनी याबाबत लक्ष घालावे. एसटी महामंडळ हे तोट्यात जात आहे. त्याचा कधी विचार करणार की नाही. एसटी आर्थिदृष्ट्या ससक्ती कसी होईल, हे पाहिले पाहिजे. एसटीचीही काॅलिटी बदलायला पाहिजे. चांगल्या प्रकारच्या गाड्या आल्या पाहिजेत. एकीकडे प्रगतीकडे जात असताना एसटी मागे कशी, असा सवाल त्यांनी केला.

एसटी कर्मचाऱ्यांना पगार वेळेवर मिळत नाहीत. तीन महिने वाट पहावी लागते. प्रगार वेळेत मिळण्यासाठी स्वतंत्र तरतूद करण्याची गरज आहे. एसटी कामगारांना, वाहक, चालक यांना आवश्यक त्या सुविधा पुरवाव्यात. बसस्थानकांचे नुतनीकरण करावे. मंडळासाठी नवीन एसटी बस मागवाव्यात. बसमध्ये आवश्यक त्या सुविधा द्याव्यात, अशी मागणी दरेकर यांनी केली.

 

हेही वाचा... घुलेंच्या शर्य़तीत शेळकेंची एन्ट्री

कोरोनाच्या बाबतीत नियोजनाचा अभाव

पैसे उभारण्याची क्षमता इतर राज्यांपेक्षा जास्त आहे. आपली प्राॅपर्टी जास्त आहे. सरकारच्या जागा केवळ बळकावण्यासाठीच असतात. तुमच्या म्हाडाच्या जागा कुठल्या आहेत. कलेक्टरच्या जागा, पर्यटनच्या जागा याची एक यादी करायला हवी. त्यात मोकळ्या जागा कुठल्या आहेत, याचे आॅडिट करा. काही हजार कोटी त्यातून मिळतील. कलेक्टर, महसूलला मॅनेज करून सरकारी जागा एखाद्याच्या घशात घालतो, हे कसे काय होऊ शकते. शासनाच्या जागांची यादी तयार करायला हवी, असे दरेकर म्हणाले.
 

Edited By- Murlidhar Karale

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख