नगर : जिल्ह्यात कोरोना रुग्ण बरे होण्याची टक्केवारी वाढली असून, हा दर 88.22 टक्के आहे. आतापर्यंत ३८ हजार ८३८ रुग्ण बरे होऊन घरी परतले आहेत. आज नव्याने 674 रुग्ण वाढले आहे.
जिल्ह्यात आज ४७३ रुग्णांना रुग्णालयातून डिस्चार्ज देण्यात आले. सध्या उपचार सुरू असणाऱ्या रुग्णांची संख्या आता ४ हजार ४६७ इतकी झाली आहे. जिल्हा रुग्णालयाच्या कोरोना टेस्ट लॅब मध्ये ६९, खासगी प्रयोगशाळेत केलेल्या तपासणीत २२८ आणि अँटीजेन चाचणीत ३७७ रुग्ण बाधीत आढळले.
जिल्हा रुग्णालयाच्या कोरोना टेस्ट लॅबमध्ये बाधीत आढळून आलेल्या रुग्णामध्ये मनपा ३१, अकोले १२, कर्जत २, नगर ग्रामीण २, नेवासे ५, पारनेर ६, पाथर्डी १, राहुरी १, संगमनेर १, शेवगाव २, श्रीगोंदा १, श्रीरामपूर २, मिलिटरी हॉस्पिटल ३ अशा रुग्णांचा समावेश आहे.
खासगी प्रयोगशाळेत केलेल्या तपासणीत बाधित आढळून आलेल्या २२८ रुग्णांची नोंद एकूण रुग्ण संख्येत घेण्यात आली. यामध्ये, मनपा ५७, अकोले ८, जामखेड ५, कर्जत ५, कोपरगाव ७, नगर ग्रामीण २६, नेवासा १३, पारनेर १३, पाथर्डी ५, राहाता १२, राहुरी २०, संगमनेर २७, शेवगाव ३, श्रीगोंदा ५, श्रीरामपूर २२ अशा रुग्णांचा समावेश आहे.
अँटीजेन चाचणीत आज ३७७ जण बाधित आढळुन आले. यामध्ये, मनपा ३२, अकोले १८, जामखेड ३०, कोपरगाव २३, नगर ग्रामीण ५२, नेवासा ४०, पारनेर ११, पाथर्डी १९, राहाता ३६, राहुरी १६, संगमनेर ३९, शेवगाव २१, श्रीगोंदा २१, श्रीरामपूर १७, कॅन्टोन्मेंट २ अशा रुग्णांचा समावेश आहे.
कोरोनामुळे आतापर्यंत 718 रुग्णांचा मृत्यू झाला आहे. जिल्ह्यात एकूण रुग्ण 44 हजार 23 रुग्णांची नोंद झाली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.