अकोले : आदिवासी समाजाच्या हक्‍कांसाठी वयाच्या 80व्या वर्षीही रस्त्यावर आहे. पुढेही राहील. धनगर आरक्षणावर वेळोवेळी भूमिका स्पष्ट केली आहे. "त्यांना पुरणपोळी द्या; पण आमच्या गरीब आदिवासींच्या भाजी-भाकरीला हात लावू नका,' असे प्रतिपादन माजी मंत्री मधुकर पिचड यांनी केले.
घोरपडा देवी मंदिर, रंधा (ता. अकोले) येथे आयोजित कार्यक्रमात पिचड बोलत होते. इगतपुरीचे माजी आमदार शिवराम झोले, माजी आमदार वैभव पिचड, भारत घाणे, सरपंच पांडुरंग खाडे, विजय भांगरे, सुनील सरुक्ते, सुरेश गभाले आदी उपस्थित होते. सुरवातीला मधुकर पिचड व हेमलता पिचड यांच्या हस्ते घोरपडा देवीचे पूजन करण्यात आले.
पिचड म्हणाले, ""धनगर आदिवासी आहेत का, याची "टाटा' समितीमार्फत तपासणी करण्यात आली. त्यावेळी मी स्वतः कमिटीला सामोरे गेलो. विधानसभेत प्रश्न उपस्थित केले. त्यानंतर मी आदिवासी नाही, अशी याचिका औरंगाबाद खंडपीठात दाखल केली. महादेव कोळी नव्हे, तर कोळी महादेव आदिवासी असल्याचा युक्तिवाद केला. सर्वोच्च न्यायालयात वाद गेल्यावर कोर्टानेच मी आदिवासी असल्याचे सांगितले. "टाटा' समितीने दिलेला अहवाल जाहीर करावा व आदिवासींचा आरक्षणाला धक्का न लावता स्वतंत्र आरक्षण देण्यास आमची हरकत नाही.''
Edited By - Murlidhar Karale
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.