रस्ता नीट दुरुस्त करा, अन्यथा ठेकेदारांची बिले थांबविणार ! पाचपुतेंच्या सूचना

आमदार पाचपुते या वेळी म्हणाले, ""रस्त्यांची कामे मागच्या काळात ज्या पद्धतीने झाली, तसा कारभार आपल्या काळात सहन करणार नाही. अधिकाऱ्यांनी ठेकेदारांना पाठीशी घालण्याचे काम करू नये.''
babanrao-pachpute.jpg
babanrao-pachpute.jpg

श्रीगोंदे : रस्ते दुरुस्त करताना डांबर कमी वापरल्याने नगरविकास राज्यमंत्री प्राजक्त तनपुरे यांनी काल अभियंत्यांना फैलावर घेतले. तोच कित्ता आमदार बबनराव पाचपुते यांनीही गिरविला आहे.

श्रीगोंदे तालुक्‍यात रस्त्यांवरील खड्डे बुजविण्याची कामे निकृष्ट होत असल्याने, ठेकेदारांची बिले देण्यात येऊ नयेत, अशा सूचना आमदार बबनराव पाचपुते यांनी सार्वजनिक बांधकाम विभागाच्या कार्यकारी अभियंत्यांना दिल्या आहेत. 

तालुक्‍यातील रस्त्यांची अतिशय दुरवस्था झाली असून, खड्डे बुजविण्याची कामे सध्या सुरू आहेत. मात्र, ती चांगल्या पद्धतीने होत नसल्याचा आरोप करीत भाजप कार्यकर्त्यांनी आज सार्वजनिक बांधकाम उपविभागाच्या कार्यालयासमोर ठिय्या आंदोलन केले. 

आमदार पाचपुते या वेळी म्हणाले, ""रस्त्यांची कामे मागच्या काळात ज्या पद्धतीने झाली, तसा कारभार आपल्या काळात सहन करणार नाही. अधिकाऱ्यांनी ठेकेदारांना पाठीशी घालण्याचे काम करू नये.'' 

पाचपुते यांनी आंदोलनस्थळाहून बांधकाम विभागाचे कार्यकारी अभियंता संजय पवार यांच्याशी संपर्क साधला. रस्त्याची निकृष्ट कामे करणाऱ्या ठेकेदारांची बिले अदा करण्यात येऊ नयेत, अशा सूचना त्यांना दिल्या. 

उपअभियंता अरविंद अम्पलकर यांनी, कामात सुधारणा करण्यात येईल, असे लेखी आश्वासन आंदोलनकर्त्यांना दिले. जिल्हा बॅंकेचे संचालक दत्तात्रय पानसरे, तालुकाध्यक्ष संदीप नागवडे, बाळासाहेब महाडीक, उपनगराध्यक्ष रमेश लाढाणे, दत्तात्रय जगताप, अशोक खेंडके, बापूसाहेब गोरे, संतोष खेतमाळीस, सुनील वाळके, शहाजी खेतमाळीस, महावीर पटवा, संग्राम घोडके, संतोष क्षीरसागर, सुहासिनी गांधी, जयश्री कोथिंबिरे, दीपक शिंदे, उमेश बोरुडे, अमोल अनभुले, दीपक हिरणावळे आदी कार्यकर्ते आंदोलनात सहभागी झाले होते. 

Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com