Corona1.jpg
Corona1.jpg

कोरोनाचा न्यायालयाला तडाखा पुन्हा दोन शिफ्टमध्ये कामकाज

लॉकडाऊनमुळे गेल्यावर्षी नऊ महिने बंद असलेली राज्यातील न्यायालये नंतर टप्याटप्याने एक व दोन शिफ्टमध्ये सुरु झाली होती. १ जानेवारीपासून ती पूर्णवेळ झाली.

पिंपरीः कोरोनाचा पुन्हा उद्रेक झाल्याचा फटका राज्यातील न्यायालयांना पुन्हा बसला आहे.पूर्णवेळ सुरु झालेले त्यांचे काम आजपासून पुन्हा पंधरा दिवस दोन पाळ्यांत सुरु झाले आहे.त्यामुळे रिमांड,जामीन यासारखे महत्वाचे कामकाज होण्याची शक्यता असल्याने प्रलंबित खटले तसेच राहण्याची भीती आहे.

लॉकडाऊनमुळे गेल्यावर्षी  नऊ महिने बंद असलेली राज्यातील न्यायालये नंतर टप्याटप्याने एक व दोन शिफ्टमध्ये सुरु झाली होती. १ जानेवारीपासून ती पूर्णवेळ झाली. मात्र, पुणे जिल्ह्यातील कोरोनाचा हॉटस्पॉट कायम राहिल्याने त्यासाठी १ महिना आणखी वाट पहावी लागली होती. मात्र, कोरोनाने पुन्हा उचल खाल्याने ती पावणेदोन महिन्यात पुन्हा दोन पाळ्यांत सुरु ठेवण्याची पाळी आली आहे.पुणे जिल्हा सत्र न्यायाधीश नीरज धोटे यांनी त्याबाबतचा आदेश आज जारी केला.त्यानुसार पुणे,पिंपरी-चिंचवडसह जिल्ह्यातील सर्व न्यायालयांचे कामकाज आता सकाळी साडेदहा ते दुपारी एक आणि दुपारी दीड  ते चार या दोन पाळ्यांत सुरु झाले. पुणे आणि जळगाव जिल्ह्यासह औरंगाबाद,नांदेड,नाशिक,मुंबई,कल्याण  येथील न्यायालयेही दोन शिफ्टमध्येच चालणार आहे.तसा आदेश मुंबई उच्च न्यायालयाच्या रजिस्ट्रारने काल (ता.२४) काढला आहे.

दरम्यान, कोरोनामुळे गेल्यावर्षी नऊ महिने बंद झालेल्या न्यायालयांमुळे वकिलांवर काहीशी उपासमारीची वेळ आली होती. त्यामुळे ती पूर्णवेळ सुरु करावीत,या मागणीसाठी  पिंपरी-चिंचवड अॅडव्होकेट्स बार असोसिएशनने आंदोलनाचा इशारा जिल्हा न्यायाधीश व पालकमंत्री न्यायाधीश असलेले उच्च न्यायालयाचे न्यायमुर्ती यांना दिला होता.त्यानंतर यावर्षी जानेवारीत पिंपरी-चिंचवड,पुणे शहरासह जिल्ह्यातील कोर्टाचे कामकाज दोन शिफ्टमध्ये सुरु झाले. नंतर १ फेब्रुवारीपासून ते नियमित झाले होते.
 

Edited By - Murlidhar Karale

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com