नगर : जिल्ह्यात रोज 800 पेक्षा जास्त रुग्ण आढळत असल्याने येत्या दोन दिवसांत जिल्ह्यातील कोरोना रुग्णांची संख्या 40 हजारांचा आकडा पार करणार आहे. काल नव्याने 900 रुग्णांची भर पडल्यामुळे एकूण रुग्ण संख्या 38 हजार 159 झाली आहे. तसेच काल दिवसभरात 18 रुग्णांचा मृत्यू झाला असून, आतापर्यंत 632 जणांचा कोरोनाने बळी घेतला आहे.
जिल्ह्यात आज तब्बल ९३३ रुग्णांना रुग्णालयातून डिस्चार्ज देण्यात आला. आता बरे झालेल्या रुग्णांची एकूण संख्या ३३ हजार ३८१ इतकी झाली आहे. रुग्ण बरे होण्याचे जिल्ह्यातील प्रमाण हे आता ८७.४८ टक्के इतके झाले आहे. काल दिवसभरात रूग्ण संख्येत ९०० ने वाढ झाली. यामुळे उपचार सुरू असणाऱ्या रुग्णांची संख्या आता ४ हजार १४६ इतकी झाली आहे.
जिल्हा रुग्णालयाच्या कोरोना टेस्ट लॅबमध्ये ७६, खासगी प्रयोगशाळेत केलेल्या तपासणीत २२४ आणि अँटीजेन चाचणीत ६०० रुग्ण बाधीत आढळले. जिल्हा रुग्णालयाच्या कोरोना टेस्ट लॅबमध्ये बाधीत आढळून आलेल्या रुग्णामध्ये महापालिका ४२, पाथर्डी ९, नगर ग्रामीण १, श्रीरामपूर २, नेवासे ५, श्रीगोंदे ६, पारनेर ३, राहुरी ३, कोपरगाव ३ आणि इतर जिल्हा २ अशा रुग्णांचा समावेश आहे.
खासगी प्रयोगशाळेत केलेल्या तपासणीत बाधित आढळून आलेल्या २२४ रुग्णांची नोंद एकूण रुग्ण संख्येत घेण्यात आली. यामध्ये, मनपा ४०, संगमनेर १४, राहाता १९, पाथर्डी ६, नगर ग्रामीण २९, श्रीरामपुर ३४, नेवासा ११, श्रीगोंदे २, पारनेर २३, अकोले ३, राहुरी २२, शेवगाव ३, कोपरगाव १० आणि जामखेड ८ अशा रुग्णांचा समावेश आहे.
अँटीजेन चाचणीत आज ६०० जण बाधित आढळून आले. यामध्ये, मनपा १६२, संगमनेर ४४, राहाता ५१, पाथर्डी ५२, नगर ग्रामीण २१, श्रीरामपूर २४, कॅंटोन्मेंट १३, नेवासा १३, श्रीगोंदे १६, पारनेर ३१, अकोले ३१, राहुरी २३, शेवगाव १०, कोपरगाव ३९, जामखेड ३१, कर्जत २८, मिलिटरी हॉस्पिटल ०८ आणि इतर जिल्हा ३ अशा रुग्णांचा समावेश आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.