संगमनेर : दाढ खुर्द येथील एका वस्तीवर एक-दोन नव्हे, तर सहा बिबट्यांनी एकदाच हल्ला केला. शेळ्यांचा फडशा पाडला. त्याच वेळी कार्यकर्त्यांनी वनअधिकाऱ्यांना फोन केले, परंतु ते उचलले नाहीत. अखेर वनमंत्री संजय राठोड यांना रात्री 12 वाजता फोन केला. त्यांनी तक्रार ऐकून घेऊन लगेचच वनअधिकाऱ्यांना आदेश दिले. त्यानंतर यंत्रणा हलली. हा प्रकार शुक्रवारी रात्री घडला. आज पहाटेपर्यंत संबंधित कुटुंब घाबरलेले होते.

पावसामुळे वाड्या- वस्त्यांवरील शेतकरी घरांत झोपले होते. भक्ष्याच्या शोधात निघालेल्या सहा बिबट्यांनी या सोईच्या वातावरणात डाव साधला. आंब्याच्या झाडावरून बंदिस्त गोठ्यात प्रवेश करून दोन शेळ्या ठार केल्या. जनावरांच्या ओरडण्यामुळे, काय झाले हे पाहण्यासाठी बाहेर आलेल्या कुटुंबातील एका महिलेवरही बिबट्याने चाल केली. मात्र, सुदैवाने ती बचावली. हा थरार घडला संगमनेर तालुक्‍याच्या पूर्व भागातील दाढ खुर्द येथील वाघमारे वस्तीवर शुक्रवारी (ता. 8) रात्री साडेअकराच्या सुमाराला.

दाढ खुर्द शिवारामध्ये शेतकरी नानाभाऊ वाघमारे यांच्या वस्तीवर, घराजवळ शेळ्यांसाठी तारेची भक्कम जाळी असलेला बंदिस्त गोठा बांधलेला आहे. त्याच्या वरच्या बाजूने असलेल्या फटीतून सहा बिबट्यांनी आत प्रवेश केला. जनावरांच्या ओरडण्याने वाघमारे कुटुंबीय बाहेर आले तेव्हा बिबट्यांनी हल्ला केल्याचे दिसले. सहा बिबटे दिसल्याने भीतीने त्यांची गाळण उडाली. दोन बिबटे घराच्या गेटजवळ, दोन मागील बाजूला, तर आंब्याच्या झाडाचा आधार घेत दोघांनी गोठ्यात प्रवेश केल्याचे त्यांना दिसले. एक शेळी ठार करून त्यांनी बाहेर ओढून नेली होती. त्यांना हुसकावत पाळीव जनावरांच्या रक्षणासाठी वाघमारे यांनी आरडाओरडा केल्याने, त्यांपैकी एका बिबट्याने बबई वाघमारे यांच्यावर हल्ला केला. सुदैवाने पंजाच्या निसटत्या फटक्‍याने त्यांची केवळ साडी फाटली. वाघमारे यांनी या घटनेची माहिती देण्यासाठी स्थानिक ग्रामस्थ व संगमनेर वनविभाग-3 चे वनरक्षक सोनवणे व पठारे यांना फोन केला. मात्र, त्यांनी तो उचलला नाही, असे वाघमारे यांचे म्हणणे आहे.

वनाधिकाऱ्यांनी फोन न उचलल्याने नानाभाऊ वाघमारे यांनी थेट राज्याचे वनमंत्री संजय राठोड यांच्याशी संपर्क केला. रात्री 12 च्या सुमारास वनमंत्र्यांनी त्यांची तक्रार ऐकून तातडीने कारवाई करण्याचे आश्वासन दिले. आज पहाटे अडीचच्या सुमारास वन विभागाचे कर्मचारी दोन पिंजऱ्यांसह घटनास्थळी हजर झाले. या घटनेमुळे दहशतीखाली असलेल्या वाघमारे कुटुंबाला स्थानिक ग्रामस्थांनी मानसिक आधार दिला. हे प्रकरण महाराष्ट्रभर चर्चिले जात आहे.

Edited By - Murlidhar Karale

अधिक राजकीय बातम्यांसाठी सरकारनामा अॅप डाऊनलोड करा

संबंधित लेख

दहावी उतीर्ण झालेल्या पुष्कराज सातवचे सोनिया, प्रियंका गांधींकडून कौतुक..

औरंगाबाद ः काॅंग्रेसचे दिवगंत नेते खासदार राजीव सातव यांचे चिरंजीव पुष्कराज हा दहावीमध्ये ९८.३३ टक्के एवढे गुण मिळवून उतीर्ण झाला. त्यांच्या या यशाचे...

रविवार, 25 जुलै 2021

पंकजा मुंडेच्या वाढदिवसाच्या बॅनरवरून राज्य आणि राष्ट्रीय नेतेही गायब..

औरंगाबाद ः भाजपच्या राष्ट्रीय सचिव पंकजा मुंडे यांचा उद्या वाढदिवस आहे. या निमित्ताने त्यांच्या समर्थकांकडून परळीत शुभेच्छा बॅनर लावण्यात आले आहेत....

रविवार, 25 जुलै 2021

उपजिल्हाधिकाऱ्यांनी पुरात उडी घेऊन वाचवले दोन तरुणांचे प्राण..

नांदेड ः राज्यात सध्या सर्वत्र पाऊस, अतिवृष्टीमुळे नद्या, नाल्यांना पूर आले आहेत. या पुराने पीकांचे नूकसान, घराची पडझड तर झालीच पण अनेकांना आपले...

रविवार, 25 जुलै 2021

आई-बाबांचा चेहरा दिसेल म्हणून दोन दिवसांपासून वाट पाहतोय....

अलिबाग : दोनच दिवसांपूर्वी आई-बाबांबरोबर बोलणे झाले होते. आज ते कुठे आहेत, याची कल्पनाही करवत नाही. येथे आल्यानंतर अंगावर काटे येणारी परिस्थिती आहे,...

शनिवार, 24 जुलै 2021

तो भीषण आवाज ऐकून घराबाहेरच थांबले असते तर ४५ जीव वाचले असते...

महाड : दरड कोसळण्यापूर्वी दुर्घटनेचे काही संकेत मिळाले होते. जमिनीतून आवाज येऊ लागल्यानंतर ग्रामस्थ बाहेर आले. त्यानंतर ते सगळे एकत्र आले. या वेळीच...

शनिवार, 24 जुलै 2021

प्रताप ढाकणेंना शह देण्यासाठी आमदार राजळेंना पंकजा मुंडे ताकद देणार

नगर : खासदार प्रीतम मुंडे यांना मंत्रीपद न मिळाल्याने नाराज असलेल्या भाजपच्या पाथर्डीतील कार्यकर्त्यांची नाराजी काढण्यात माजी मंत्री पंकजा मुंडे...

शनिवार, 24 जुलै 2021

मोबाईलच नाही, अभ्यास कसा करायचा, असे विद्यार्थ्याने छेडताच तनपुरेंनी केले हे काम

तिसगाव : तरूणांचे आयडॉल असलेले मंत्री प्राजक्त तनपुरे कधी क्रिकेट खेळताना, तर कधी वाढदिवस साजरा करताना नेहमीच चर्चेत असतात. आज मात्र ते वेगळ्याच...

शुक्रवार, 23 जुलै 2021

"कोविडमुळे निराधार झालेल्या महिलांना आमदार रोहित पवारांनी असा दिला आधार

जामखेड : 'कोरोनाच्या संकटात आपण घरातील कर्ता माणुस गमावला आहे. हे दुःख सर्वांसाठीच खूप मोठे मात्र या दुःखातून सावरुन मुलांचे शिक्षण, त्यांचे...

शुक्रवार, 23 जुलै 2021

अतिवृष्टीमुळे भूस्खलन झालेल्या ठिकाणी तातडीची मदत द्या : शंभूराज देसाई

सातारा : पाटण तालुक्यामध्ये गेल्या दोन दिवसांपासून सुरु असलेल्या अतिवृष्टीमुळे भूस्खलन झालेल्या ठिकाणी मदत कार्य तातडीने सुरु करा, अशा सूचना गृह (...

शुक्रवार, 23 जुलै 2021

भाजपने बंद केलेली ही योजना आघाडी सरकारने सुरू करून आदिवासींना न्याय दिला

तिसगाव : मागील सरकारच्या काळात बंद करण्यात आलेली आदिवासी खावटी विकास योजना महाविकास आघाडी सरकारने पुन्हा सुरू करून या योजनेच्या माध्यमातून राज्यातील...

शुक्रवार, 23 जुलै 2021