नगर : भाजपचे विधानपरिषदेचे आमदार प्रसाद लाड यांच्या गाडीला पुणे-मुंबई एक्सप्रेस हायवेवर भीषण अपघात झाला. सुदैवाने ते सुखरूप असून, त्यांना कोणतीही इजा झालेली नसल्याचे त्यांनी सोशल मीडियावरून सांगितले आहे.
नगर जिल्ह्यातील पाथर्डी येथील त्यांच्या नातेवाईकांकडे येण्यासाठी लाड नगरच्या दिशेने येत होते. कामशेत बोगद्यानंतर येणाऱ्या टोलनाक्याच्या आधी सुमारे एक किलोमीटरवर आमदार लाड यांच्या गाडीला भीषण अपघात झाला. या अपघातात गाडीतील सर्वजण सुखरुप आहेत.
गणपतीबाप्पाच्या कृपेने सुखरूप
याबाबत लाड यांनी व्हायरल केलेल्या व्हिडिओत त्यांनी म्हटले आहे, की अपघात झाला, ही बातमी खरी असून, गाडीचे नुकसान झाले आहेत. असे असले, तरी मी, पोलिस सहकारी, गाडीचालक, स्वीय सहाय्यक हे सर्वजण गणपतीबाप्पाच्या कृपेने सुखरूप आहेत. कोणीही काळजी करू नये. माझा नगरचा दाैरा पुढे करण्यासाठी मी पुढे जात आहे.
याबाबत त्यांच्या स्वीय सहाय्यकांशी संपर्क केला असता, आमदार व गाडीतील इतर सर्व व्यक्ती सुखरूप आहेत, असे सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.