कोल्हापूरमध्ये भाजपचा एकही आमदार नाही, मग राजीनामा कोण देणार : सतेज पाटील

कोल्हापूरातील कोणत्याही मतदार संघातून मी निवडूण येऊ शकतो. तुम्ही राजीनामा द्या, निवडुन आलो नाहीतर हिमालयात जाईन असे आव्हान चंद्रकांत पाटील यांनी ग्रामविकासमंत्री हसन मुश्रीफ यांना दिले होते.
2satej_patil_40_cong_mlc_4.jpg
2satej_patil_40_cong_mlc_4.jpg

कोल्हापूर :चंद्रकांत पाटील यांनी कोल्हापूरमधून निवडणूक लढवण्याची संधी गमावली आहे. भाजपचा कोल्हापूरात एकही आमदार नाही. मग चंद्रकांत पाटील कोणाला राजीनामा द्यायला लावता. त्यांनी  2019 मध्येच हा निर्णय घ्यायला पाहिजे होता, असा मिस्कील टोला गृहराज्यमंत्री आणि कोल्हापूर चे पालकमंत्री सतेज पाटील यांनी आज भाजपचे प्रदेशाध्यक्ष चंद्रकांत पाटील यांना लगावला.  

कोल्हापूरातील कोणत्याही मतदार संघातून मी निवडून येऊ शकतो. तुम्ही राजीनामा द्या, निवडून आलो नाही तर हिमालयात जाईन, असे आव्हान चंद्रकांत पाटील यांनी ग्रामविकासमंत्री हसन मुश्रीफ यांना दिले होते. यावर पालकमंत्री पाटील यांना विचारले असता त्यांनी हा टोला लगावला.

चंद्रकांत पाटील यांच्या याच वक्तव्याचा सकाळी ग्रामविकासमंत्री हसन मुश्रीफ यांनी समाचार घेतला होता. तर सायंकाळी कोल्हापूर काँग्रेस कमिटीमध्ये झालेल्या पत्रकार परिषदेमध्ये सतेज पाटील यांनी सुद्धा टीका केली आहे. 

केंद्रातील भाजप सरकारने आणलेल्या काळ्या कृषी कायद्या विरोधात कोल्हापूर जिल्हा काँग्रेसच्या वतीने 5 नोव्हेंबरला कोल्हापूरमध्ये भव्य ट्रॅक्टर रॅलीचे आयोजन करण्यात आल्याचे ही गृहराज्यमंत्री सतेज पाटील यांनी सांगितले.

Edited By - Murlidhar Karale
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com