सोलापूर : जड वाहतूक बंदीच्या काळात अक्‍कलकोट रोडवरील मल्लिकार्जुन नगरजवळ झालेल्या अपघातप्रकरणी सोलापूर शहर वाहतूक शाखेचे पोलिस नाईक लक्ष्मण पाटील व आफताब शेख या दोघांना निलंबित करण्याचे आदेश पोलिस आयुक्‍त अंकुश शिंदे यांनी दिले आहेत.
चार डिसेंबर रोजी सकाळी नऊच्या सुमारास जड वाहतूक बंदीच्या काळात अक्‍कलकोट रस्त्यावरून शहरात येणाऱ्या मालट्रक चालकाने ट्रक भरधाव चालवून मोटारसायकलला धडक देऊन झालेल्या अपघातात जुलेखा मुर्तूज शेख आणि मोहसिन मेहबूब पठाण दोघांचा मृत्यू झाला तर तिघेजण जखमी झाले होते.
याप्रकरणी निष्काळजीपणा करणारे सोलापूर शहर उत्तर वाहतूक शाखेतील पोलिस नाईक लक्ष्मण पाटील आणि आफताब शेख यांची चौकशी करून त्यांना निलंबित करण्याचे आदेश पोलिस आयुक्‍त शिंदे यांनी दिले. सोलापूर शहरात सकाळी सात ते रात्री नऊ या कालावधीसाठी जड वाहतूकीस बंदी आहे. तरीही शहरात अनेक महामार्गावरून आणि चोरट्या रस्त्याने शहरात जड वाहतूक होते.
त्याकडे शहर वाहतूक शाखेच्या अधिकारी-कर्मचाऱ्यांकडून दुर्लक्ष केले जात आहे. ज्यावेळी अपघात होतो आणि एखाद्याचा जीव जातो, त्याच वेळेस वाहतूक शाखेच्या कर्मचाऱ्यांची चौकशी होते. इतरवेळी हे कर्मचारी काय करतात याकडे अधिकाऱ्यांचे लक्ष नसते.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.