कऱ्हाड : नवीन एक्टिवा फाईव्ह जी मोटरसायकल पासिंग करण्यासाठी पाच हजारांची लाच मागितल्याप्रकरणी कऱ्हाड (जि.सातारा) येथील आरटीओ कार्यालयातील एका खासगी एजंटावर लाचलुचपत प्रतिबंधक विभागाने सापळा रचुन कारवाई केली. राजू जाधव असे संबंधित खासगी एजंटाचे नाव असल्याची माहिती सांगलीच्या लाचलुचपत प्रतिबंधक विभागाचे पोलिस उपअधीक्षक सुजय घाटगे यांनी दिली.
कऱ्हाड आरटीओ कार्यालयात पहिल्यांदाच अशी कारवाई झाल्याने खासगी एजंट हादरले आहेत. उपअधीक्षक श्री. घाटगे म्हणाले, एका तक्रारदाराने नवीन एक्टिवा फाईव्ह जी मोटरसायकल घेतली होती. ती पासिंग करण्यासाठी कऱ्हाड-विजयनगर येथील खासगी एजंटानी संबंधित तक्रारदारास पाच हजारांची लाच मागितली.
त्याची माहिती तक्रारदाराने आम्हाला दिली. त्यानुसार आम्ही सापळा लावला. त्यामध्ये खासगी एजंट जाधव याच्यावर आमच्या लाचलुचपत प्रतिबंधक विभागाच्या पथकाने सापळा रचुन कारवाई केली. संबंधिताने तक्रारदारांकडे सहाय्यक मोटार वाहन निरीक्षक यांच्यासाठी पाच हजाराची लाच मागणी केली होती.
संबंधित कारवाई पुणे लाचलुचपत प्रतिबंधक विभागाचे पोलिस अधिक्षक राजेश बनसोडे, अतिरीक्त पोलिस अधीक्षक सुहास नाडगौडा यांच्या मार्गदर्शनाखाली सांगली येथील पथकाने कारवाई केली. यामध्ये पोलिस निरीक्षक गुरुदत्त मोरे, हवालदार संजय संकपाळ, संजय कलकूटगी, धनंजय खाडे, राधिका माने, बाळासाहेब पवार यांनी केली. दरम्यान, कऱ्हाडच्या आरटीओ कार्यालयात पहिल्यांदाच लाचलुचपत विभागाने अशी कारवाई केली आहे. त्यामुळे खळबळ उडाली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.