उंब्रज : जनसामान्यांचा विकास हा महाविकास आघाडीचा विचार आहे. पवार साहेबांच्या विचारानेच महाविकास आघाडीचे शासन स्थापन झाले. मात्र, कोरोना काळात फक्त राजकारणासाठी विरोधी भूमिका घेण्याचे काम विरोधकांनी केले असल्याचे मत सहकार व पणनमंत्री बाळासाहेब पाटील यांनी व्यक्त केले.
पाल (ता. कऱ्हाड) येथील विविध विकासकामांचे उद्‌घाटन व कोव्हिड योद्धयांच्या सत्कारप्रसंगी ते बोलत होते. यावेळी खासदार श्रीनिवास पाटील, कोल्हापूर दक्षिण मतदारसंघाचे आमदार ऋतुराज पाटील, कऱ्हाड उत्तर राष्ट्रवादी काँग्रेसचे अध्यक्ष देवराज पाटील, शिक्षण व अर्थ सभापती मानसिंगराव जगदाळे, पंचायत समिती सभापती प्रणव ताटे, चंद्रकांत जाधव उपस्थित होते.
मंत्री पाटील म्हणाले, "कोरोना काळात व्यवसाय ठप्प झाल्याने राज्याचा महसूल कमी झाला. त्याचा परिणाम विकास कामांवर झाला. महाविकास आघाडीने महात्मा फुले कर्जमाफी योजना त्वरीत लागू केल्याने शेतकरी कर्जमुक्त झाला. सहकारमंत्री झाल्यानंतर पहिल्या विकास सेवा सोसायटीच्या इमारतीचे उद्‌घाटन केले आहे.''
ऋतुराज पाटील म्हणाले, "कमी वयात आमदार होता आले. समाजकारण, राजकारण करण्याची संधी लाभली असून, महाविकास आघाडी शासनाच्या माध्यमातून तळागाळापर्यंत जाऊन काम करण्याची संधी मिळाली आहे. राज्याचे भविष्य घडविण्याची ताकद महाविकास आघाडीत आहे.'' श्रीनिवास पाटील म्हणाले, "खालून वर मारण्यापेक्षा खालून वर उचलण्याची पद्धत पाहिजे. या शिवाय कुठलेही काम करताना चातुर्याने करायची कला पाहिजे. जात, पात, लिंग भेद न ठेवता एकत्र राहिले तर नक्कीच प्रगती होते.''
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.