मुंबई : बाळासाहेब ठाकरे यांना अभिप्रेत असणारे सामाजिक बांधिलकीचे काम आणि बाळासाहेबांनी हिंदुत्वाचा दिलेला विचार बळकट व्हावा, यासाठी मुख्यमंत्र्यांनी काम करावे, अशी अपेक्षा विधान परिषदेतील विरोधी पक्षनेते प्रवीण दरेकर यांनी आज शिवाजी पार्क येथे कै. ठाकरे यांच्या स्मृतीला आदरांजली वाहताना व्यक्त केली.
माझ्या राजकीय जीवनाची सुरुवात शिवसेनेपासून व भारतीय विद्यार्थी सेनेपासूनच झाली. शिवसेना प्रमुख बाळासाहेब ठाकरे यांच्या विचारांचा आणि सस्कारांचा पगडा माझ्यावर आजही आहे. त्यांच्यामुळे माझी जी जडणघडण झाली, त्याचा फायदा मला आजही विरोधीपक्ष नेतेपदाचे काम करताना होतो, अशा शब्दांत दरेकर यांनी आदरांजली वाहिली.
बाळासाहेब ठाकरे यांच्या स्मृतीदिनाच्या निमित्ताने विधान परिषदेचे विरोधी पक्षनेते प्रविण दरेकर यांनी आज दादर येथील शिवसेनाप्रमुखांच्या स्मृती स्थळाला भेट देऊन स्मृतींना वंदन केले. बाळासाहेबांप्रती कृतज्ञता व्यक्त करणे हे आपले कर्तव्य आहे. बाळासाहेब ठाकरे यांना अभिप्रेत असणारे सामाजिक बांधिलकीचे काम आणि बाळासाहेबांनी हिंदुत्वाचा दिलेला विचार बळकट व्हावा यासाठी मुख्यमंत्र्यांनी काम करावे, अशी अपेक्षाही त्यांनी व्यक्त केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.