नास्तिक व अधर्मी असुरांच्या ताब्यात हिंदूंचा कैवारी : बंडातात्यांची ठाकरेंवर टीका

यासंदर्भात सोशल मिडियावर त्यांनी प्रसिध्दी केलेल्या पत्रकात म्हटले की, दिवाळीच्या पहिल्या दिवशी भगवान श्रीकृष्णांनी नरकासुराचा वध केला म्हणून नरकचतुर्दशीच्या दिवशी अभ्यंग स्नान करतो. पण संपूर्ण भारतातील सर्व मंदिरे खुली असताना महाराष्ट्रातील मंदिरे आपल्या नरकासुराने गेली आठ महिने बंद ठेवली आहेत.
BandaTatya Karadkar
BandaTatya Karadkar

सातारा : देशातील सर्व मंदीरे खुली असताना महाराष्ट्रातील मंदिरे आपल्या नरकासुराने गेली आठ महिने कृष्ण रूपी विठ्ठलाला सत्यभामा रूक्मिणीसह बंदीवासात टाकले असताना आपण कोणता आनंद साजरा करता, असा प्रश्न उपस्थित करून हिंदूंचा कैवारी नास्तिक व अधर्मी असुरांच्या ताब्यात आहे. तो इच्छा असूनही मंदिरे खुली करू शकत नाही. त्यामुळे यावेळी आपण दिवाळी साजरी न करता यांच्या नावाने शिमगा साजरा करा, असे आवाहन बंडातात्या कराडकर यांनी केले आहे. 

यासंदर्भात सोशल मिडियावर त्यांनी प्रसिध्दी केलेल्या पत्रकात म्हटले की, दिवाळीच्या पहिल्या दिवशी भगवान श्रीकृष्णांनी नरकासुराचा वध केला म्हणून  नरकचतुर्दशीच्या दिवशी अभ्यंग स्नान करतो. पण संपूर्ण भारतातील सर्व मंदिरे खुली असताना महाराष्ट्रातील मंदिरे आपल्या नरकासुराने गेली आठ महिने बंद ठेवली आहेत.

कृष्ण रूपी विठ्ठलाला सत्यभामा रूक्मिणीसह बंदीवासात टाकले आहे. असे असताना आपण कोणता आनंद साजरा करणार आहात. कोल्हापूरची महालक्ष्मी, तुळजापूरची भवानी, माहूरची रेणुका व वणीची सप्तश्रुंगी बंदीस्त असताना कोणत्या लक्ष्मीचे पूजन आपण करणार आहोत. बळीराजा असुर म्हणून वामनाने त्याचे राज्य घेतले.

येथे असुरांचे राज्य असताना कसली बलीप्रतिपदा साजरी करता, असा प्रश्न उपस्थित करून बंडातात्या म्हणाले, राज्यात दारूची दुकाने, भाजी मंडई,
हॉटेल्स, ढाबे, विवाह, पार्ट्यां व पार्टी मिटिंग सर्रास सुर आहेत. मात्र, मंदिरे, वाऱ्या, भजन, सप्ताहांना पूर्ण बंदी आहे. तरीही आपण दिवाळी साजरी करणार आहात का, असा प्रश्न त्यांनी उपस्थित केला आहे. 

हिंदूंचा कैवारी नास्तिक व अधर्मी असुरांच्या ताब्यात आहे. तो इच्छा असूनही मंदिरे खुली करू शकत नाही. त्यामुळे दिवाळी साजरी न करता त्यांच्या नावाने शिमगा साजरा करा. अंघोळ करायचीच असेल तर त्यांच्या नावाने व गोड खायचेच असेल तर त्यांच्या चौदाव्याच्या नावाने खा, असे आवाहन बंडातात्यांनी केले आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com