पोलिस, होमगार्डला धक्काबुक्की पडली महागात; नेले चालवत न्यायालयात - Police and home guards beaten by drunkards in Oglewadi | Politics Marathi News - Sarkarnama

ब्रेकिंग न्यूज

खासदार संभाजीराजे छत्रपती यांनी मराठा समाजासाठी केलेल्या मागण्या मान्य करण्याची राज्य सरकारची तयारी
मुख्यमंत्री उद्धव ठाकरे व खासदार संभाजीराजे छत्रपती यांची उद्या (17 जून) पाच वाजता वर्षा निवासस्थानी महत्वपूर्ण बैठक
कोल्हापूर : खासदार संभाजीराजे यांच्या नेतृत्वाखाली मराठा आरक्षणासाठी मूक आंदोलनास सुरवात

पोलिस, होमगार्डला धक्काबुक्की पडली महागात; नेले चालवत न्यायालयात

सरकारनामा ब्यूरो
रविवार, 17 जानेवारी 2021

"येथे नागरी वस्ती आहे, तुम्ही येथून घरी जा', असे सांगून त्यांना त्यांनी हटकले. त्यावेळी ते चोघेही कोरडे व होमगार्डच्या अंगावर धावून गेले. त्यांना धक्काबुक्की करण्यात आली. ही माहिती कोरडे यांनी पोलिसांत दिली.

कऱ्हाड : दारू पिणाऱ्यांना हटकणाऱ्या पोलिस व त्याच्यासोबतच्या गृहरक्षक दलाच्या जवानास (होमगार्ड) धक्काबुक्की करून शासकीय कामात अडथळा आणण्याचा प्रयत्न केल्याचा गुन्हा कऱ्हाड शहर पोलिस ठाण्यात दाखल झाला आहे. ओगलेवाडी येथे मध्यरात्री साडेबाराच्या सुमारास हा प्रकार घडला.

या प्रकरणी चौघांना ताब्यात घेऊन न्यायालयात घेऊन जाताना वाहनात बिघाड झाल्याने त्यांना चालवत न्यायालयात हजर केले. तेथे त्यांना न्यायालयीन कोठडीत ठेवण्याचे आदेश दिले आहेत. पंकज संजय डुबल (वय 26), रोहित शशिकांत चन्ने (28), चैतन्य बाळासाहेब होवाळ (25) व अल्ताफ सिकंदर शेख (22, चौघेही रा. ओगलेवाडी परिसर) अशी अटक केलेल्यांची नावे आहेत.

त्यांच्याविरोधात हवालदार धीरज कोरडे यांनी फिर्याद दिली आहे. हवालदार कोरडे व त्यांच्यासोबत एक होमगार्ड बीट मार्शलसोबत गस्त घालत होते. त्यावेळी ओगलेवाडीला येताना त्यांना आरडाओरडा झाल्याचा आवाज झाला. ते आवाजाच्या दिशेने गेले. त्यावेळी संबंधित चौघेही तेथे दारू पित बसले होते.

"येथे नागरी वस्ती आहे, तुम्ही येथून घरी जा', असे सांगून त्यांना त्यांनी हटकले. त्यावेळी ते चोघेही कोरडे व होमगार्डच्या अंगावर धावून गेले. त्यांना धक्काबुक्की करण्यात आली. ही माहिती कोरडे यांनी पोलिसांत दिली. पोलिसही तत्काळ घटनास्थळी पोचले. संबंधित चौघांना ताब्यात घेण्यात आले. त्यांना न्यायालयात नेताना पोलिस वाहन खराब झाले होते. त्यामुळे पोलिसांनी त्या चौघांनाही चालवत न्यायालयात हजर केले. 
 

 

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख