कऱ्हाड : मुख्यमंत्री उद्धव ठाकरे यांनी राज्यात लागू केलेल्या विकेंड लॉकडाऊनला साताऱ्याचे राष्ट्रवादीचे खासदार श्रीनिवास पाटील यांनी शेतातील गहु काढुन प्रतिसाद दिला. पुढारी पोशाख बाजुला ठेऊन टी-शर्ट, साधी पँट घालून श्रीनिवास पाटील यांनी केलेली ही गहु काढणी सध्या सोशल मीडियावर चर्चेचा विषय ठरली आहे.
राज्यात कोरोनाचा प्रादुर्भाव मोठ्याप्रमाणात वाढु लागला आहे. त्यामुळे मुख्यमंत्री ठाकरे यांनी काही निर्बंध लागु केले आहेत. त्याचबरोबर त्यांनी शनिवार आणि रविवारी विकेंड लॉकडाऊन लागु केला आहे. त्यामुळे आज सारे काही बंद होते. या विकेंड लॉकडाऊनमध्ये आज आणि उद्या संचारबंदी आहे. त्यामुळे खासदारांना भेटायला कोणीच येणार नाही.
त्याचा विचार करुन खासदार श्रीनिवास पाटील यांनी घरी बसून न राहता थेट शेत गाठलं. शेतात गव्हाची काढणी सुरु होती. त्यांनी नेहमीचा पांढरा कुर्ता, जॅकेट आणि सलवार असे असा पेहराव न करताना साधी पॅन्ट, टी शर्ट घालुन शेतात सुरु असणाऱ्या गव्हाच्या काढणीसाठी सरसावले. हातात वीळा घेऊन गहू काढणीला मदत केली. त्यांची ही गहु काढणी आज जिल्ह्यात चर्चेचा विषय ठरला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.