कोरेगाव : कोरेगाव पोलिस ठाण्यात दाखल झालेल्या गुटख्याच्या गुन्ह्यात मदत करतो. जामीनावर सोडण्यास मदत करतो, असे सांगून 20 हजारांची लाच मागून ती स्वीकारताना सहायक पोलिस उपनिरीक्षकास लाच लुचपत प्रतिबंधक विभागाच्या पथकाने आज रंगेहाथ पकडले.
प्रल्हाद श्रीरंग पाटोळे असे या सहायक पोलिस उपनिरीक्षकाचे नाव आहे. या प्रकरणातील तक्रारदाराच्या भावावर गुटख्याचा गुन्हा दाखल असून त्यात मदत करतो, जामिनावर सोडण्यास मदत करतो, यासाठी पाटोळे याने 20 हजारांच्या लाचेची मागणी केली. या तक्रारीची लाचलुचपत प्रतिबंधक विभागाने काल (ता. पाच) पडताळणी केली.
त्यानंतर आज (शनिवार) 20 हजारांची लाच स्वीकारताना सहायक पोलिस उपनिरीक्षक प्रल्हाद पाटोळे यास रंगेहाथ पकडले आहे. लाच लुचपत प्रतिबंधक विभागाचे पोलिस अधीक्षक राजेश बनसोडे, अतिरिक्त अधीक्षक सूरज गुरव, सुहास नाडगौडा यांच्या मार्गदर्शनाखाली पोलिस निरीक्षक आरिफा मुल्ला व अविनाश जगताप, पोलिस नाईक राजे, ताटे, खरात यांच्या पथकाने कोरेगाव येथे सापळा रचून ही कारवाई केली. पोलिस उपअधीक्षक अशोक शिर्के यांच्या मार्गदर्शनाखाली पोलिस निरीक्षक आरिफा मुल्ला तपास करत आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.