आरोग्य सेवेतील रिक्त पदांपैकी ५० टक्के भरण्याची प्रक्रिया आठवडाभरात सुरू करा

भरतीची प्रक्रिया एका आठवड्यात सुरु करून सहा ते आठ आठवड्यात ती पूर्ण करावी असे आदेश दिले.
MiM Mp Imtiaz Jalil Pil News Aurangabad
MiM Mp Imtiaz Jalil Pil News Aurangabad

औरंगाबाद ः  कोरोनाच्या पार्श्वभूमीवर औरंगाबाद जिल्ह्यात सरकारी दवाखान्यांमध्ये रिक्त असलेल्या पदांच्या पन्नास टक्के पदे भरण्याची प्रक्रिया एका आठवड्यात सुरु करून सहा ते आठ आठवड्यात ती पूर्ण करण्याचे आदेश मुंबई उच्च न्यायालयाच्या औरंगाबाद खंडपीठाचे न्या. संजय गंगापूरवाला आणि न्या. एस. डी. कुलकर्णी यांनी राज्य शासनाला दिले. ( Bombay High Court Bench Aurangabad Order On Mp Imtiaz Jalils Pil) याचिकेवर पुढील सुनावणी १४ जून रोजी ठेवण्यात आली आहे.

खासदार इम्तियाज जलील यांनी, कोरोनाच्या रुग्णांवर उपचार करणाऱ्या औरंगाबाद जिल्ह्यातील सरकारी दवाखान्यांमधील रिक्त पदे आणि वैद्यकीय सोयीसुविधांचा अभाव यासंदर्भात उच्च न्यायालय खंडपीठात  जनहित याचिका दाखल केली आहे.

याचिकेनुसार, शासकीय वैद्यकीय महाविद्यालय आणि रुग्णालय येथे ८६८, औरंगाबाद महापालिकेच्या आरोग्य विभागात ८३, औरंगाबाद जिल्हा परिषद आरोग्य विभागात ३३२, शासकीय कर्करोग रुग्णालयात १२२, केंद्र आणि राज्य शासन मान्यताप्राप्त विस्तररीत कर्करोग रुग्णालय येथे ३६४, सिव्हिल हॉस्पिटल चिकलठाणा येथे ६० तर शासकीय वैधकीय महाविद्यालय आणि रुग्णालय येथील सुपर स्पेशालिटी हॉस्पिटल येथे २१९ अशी पदे रिक्त आहेत. (Next Hearing On 14 the of June)

याचिकेवर आज झालेल्या सुनावणीत शासनातर्फे म्हणणे मांडण्यात आले, की जिल्ह्यात अशी २०४८ पदे रिक्त असून, यापैकी पन्नास टक्के पदे तीन महिन्यांत भरण्यात येतील. (Medical And helath Departments Vacant post Recrupment Prosses Start In A Week, Says Cort to State Government) यावर खंडपीठाने तीव्र नाराजी व्यक्त केली. कोरोना वाढीचा तीव्र वेग लक्षात घेता ही प्रक्रिया वेगाने व्हायला हवी, असे मत व्यक्त करीत रिक्त पदांपैकी पन्नास टक्के पदे भरतीची प्रक्रिया एका आठवड्यात सुरु करून सहा ते आठ आठवड्यात ती पूर्ण करावी असे आदेश दिले.

आजच्या या ऑनलाईन सुनावणीवेळी खासदार इम्तियाज जलील यांनी व्यक्तिशः बाजू मांडली. राज्य शासनातर्फे ऍड. सुजित कार्लेकर तर जिल्हा परिषदेतर्फे ऍड. श्रीमंत मुंडे यांनी काम पाहिले.

Edited By : Jagdish Pansare
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com