परभणी : राष्ट्रवादी काँग्रेसचे नेते राजेश उत्तमराव विटेकर यांच्यावर लग्नाचे आणि नोकरीचे अमिष दाखवून बलात्कार केल्याचा आरोप परभणी येथील एका महिलेने केला आहे. यावर राजेश विटेकर यांनी तुर्तास प्रतिक्रिया देण्यास नकार दिला आहे. आपण सध्या मुंबईत असून आपल्या वकिलांशी चर्चा करून उद्या पत्रकार परिषद घेऊन सविस्तर भूमिका स्पष्ट करू, असे त्यांनी `सरकरानामा`शी बोलतांना सांगितले.
परभणी येथील पिडित महिलेने कुटुंबियासह भूमाता ब्रिगेडच्या अध्यक्षा तृप्ती देसाई यांच्या उपस्थितीत पुणे येथे पत्रकार परिषद घेतली. नोकरी मिळवून देतो म्हणून माझ्यावर लैगिंक अत्याचार केला. मला धमकावले, तुला कुठेही तोंड दाखवायला जागा ठेवणार नाही, असी धमकी आपल्याला देण्यात आली. मी सोनपेठ पोलिस स्टेशनला गेल्यानंतर माझा गुन्हा नोंदवला गेला नाही. पोलिस स्टेशन आणि गृहमंत्री सगळ्यांकडे गेले आहे. माझ्यावरच खोटे नाटे गुन्हे दाखल करत आहेत, असे या महिलेचे म्हणणे आहे.
पोलिस स्टेशनमधून मला हकलून दिले. मी एक शिक्षिका आहे. माझ्या परिवाराला त्रास दिला जात आहे. सत्ताधारी पक्ष असे करत असतील तर काय करणार? पन्नासपेक्षा जास्त अर्ज मी केले आहेत. विटेकर यांच्या दहशतीमुळे मला घरीसुद्धा राहू दिले जात नाहीत, असे आरोप या महिलेने केले आहेत.
राज्यात पिडितेला न्याय का मिळत नाही, असा सवाल देसाई यांनी केला, राजकारण्यांना आणि इतर माणसांना वेगळा न्याय का ? राजेश विटेकर आणि त्यांच्या इतर साथिदारांवर गुन्हा दाखल झाला नाही, तर परभणीत जाऊन आंदोलन करणार असल्याचा इशारा देसाई यांनी दिला.
माझ्यावर अॅट्राॅसिटीचा खोटा गुन्हा दाख केला. तीन दिवस आम्हाला अटकेत ठेवण्यात आले. माझ्यावर अब्रुनुकसानीचा दावा केला. मला पण एक दिवस आत्महत्या करावी लागेल, असा इशारा पिडितेने दिला. मी गेल्या एक वर्षापासून अर्ज करत आहे.
परभणीचे पालकमंत्री नवाब मलिक, माजी मंत्री फौजिया खान हे विटेकरांना पाठिशी घालत आहेत, असा आरोप पिडितेने केला आहे. विटेकर यांनी या आधी एका मुलीचे आयुष्य बरबाद केले आहे. त्यामुळे त्यांची पक्षातून तात्काळ हकालपट्टी करावी, अशी मागणी देसाई यांनी केली.
दरम्यान, या गंभीर आरोपा संदर्भात सरकारनामा प्रतिनिधीने राजेश विटेकर यांच्याशी संपर्क साधला. या प्रकरणावर आपण तुर्तास कुठलीही प्रतिक्रिया देणार नाही, आपण सध्या मुंबईत असून वकिलांशी चर्चा करणार आहोत. त्यानंतर उद्या पत्रकार परिषद घेऊनच यावर सविस्तर बोलेन असे विटेकर यांनी सांगितले.
Edited By : Jagdish Pansare
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.