राष्ट्रवादीच्या प्रदेश सरचिणीस पदी भरत घनदाट, जयंत पाटलांनी दिले नियुक्ती पत्र.. - Letter of appointment given by Bharat Ghandat and Jayant Patil to the post of NCP State General Secretary | Politics Marathi News - Sarkarnama

ब्रेकिंग न्यूज

मुख्यमंत्री उद्धव ठाकरे कोल्हापुरात दाखल..पुरग्रस्त भागाची पाहणी
पुणेकरांना खुशखबर : पुणे मेट्रोची शुक्रवारी सकाळी ७ वाजता ट्रायल रन...पालकमंत्री अजित पवार यांच्या उपस्थितीत कोथरुड डेपो ते आयडीयल कॉलनीदरम्यान ट्रायल

राष्ट्रवादीच्या प्रदेश सरचिणीस पदी भरत घनदाट, जयंत पाटलांनी दिले नियुक्ती पत्र..

सरकारनामा ब्युरो
बुधवार, 16 जून 2021

भोकर पंचायत समितीचे माजी सभापती भाऊसाहेब देशमुख-गोरटेकर यांनी राष्ट्रवादी काँग्रेस पक्षात प्रवेश केला.

मुंबई ः राष्ट्रवादी काॅंग्रेसचा २२ वा वर्धापनदिन नुकताच पक्षाचे अध्यक्ष शरद पवार यांच्या उपस्थितीत साजरा झाला. यावेळी मराठवाड्यातील लातूर जिल्ह्यातील काॅंग्रेस आणि भाजपच्या काही पदाधिकाऱ्यांनी राष्ट्रवादीत प्रवेश केला होता. (Letter of appointment given by Bharat Ghandat and Jayant Patil to the post of NCP State General Secretary) मुंबईत इतर पक्षातील पदाधिकारी, कार्यकर्त्यांचे प्रवेश आणि नियुक्त्यांचे सत्र अजूनही सुरूच आहे. गंगाखेडचे माजी आमदार सिताराम घनदाट यांचे नातू  भरत घनदाट यांची राष्ट्रवादीचे प्रदेश सरचिटणीस म्हणून नेमणूक करण्यात आली आहे.

प्रदेशाध्यक्ष जयंत पाटील यांच्या हस्ते भरत घनदाट यांना नियुक्तीपत्र देण्यात आले. पक्ष बळकटीसाठी व पक्षाची ध्येयधोरणे सर्वसामान्यांपर्यंत पोहचवण्यासाठी भरत घनदाट यांचे सहकार्य राहील, असा विश्वास जयंत पाटील यांनी व्यक्त केला. (Ncp State President Jayant Patil) यावेळी माजी आमदार सीताराम घनदाट, प्रदेश सरचिटणीस शिवाजीराव गर्जे, प्रदेश सरचिटणीस बसवराज पाटील उपस्थित होते

परभणी जिल्ह्यातील गंगाखेडचे माजी आमदार व अभ्युदय बँकेचे संचालक सीताराम घनदाट यांनी गेल्या वर्षी सप्टेंबर महिन्यात आपल्या कार्यकर्त्यांसह राष्ट्रवादी काँग्रेसमध्ये प्रवेश केला होता. (Ex. Mla Sitaram Ghndat) अजित पवार व जयंत पाटील यांच्या उपस्थितीत मुंबईतच हा प्रवेश सोहळा पार पडला होता. घनदाट यांच्या प्रवेशाने गंगाखेडमध्ये राष्ट्रवादीला बळ मिळाले आहे. आता त्यांचे नातू भरत घनदाट यांच्यावर पक्षाने प्रदेश सरचिटणीस पदाची जबाबदारी सोपवली आहे. 

 गोरटेकरांचा प्रवेश..

भोकर पंचायत समितीचे माजी सभापती भाजपचे भाऊसाहेब देशमुख-गोरटेकर यांनी राष्ट्रवादी काँग्रेस पक्षात प्रवेश केला. प्रदेशाध्यक्ष जयंत पाटील यांच्या प्रमुख उपस्थितीत राष्ट्रवादी भवन, मुंबई येथे हा प्रवेश झाला. यावेळी कोषाध्यक्ष हेमंत टकले, प्रदेश सरचिटणीस शिवाजीराव गर्जे, प्रदेश सरचिटणीस बसवराज पाटील, नांदेड ग्रामीण जिल्हाध्यक्ष हरिहर भोसीकर उपस्थित होते.

हे ही वाचा ः भाजपच्या फटकार मोर्चाचे फटकेबाजीत रुपांतर..

Edited By : Jagdish Pansare

अधिक राजकीय बातम्यांसाठी सरकारनामा अॅप डाऊनलोड करा
Play Store    App Store

संबंधित लेख