जालना ः राष्ट्रीय समाज पक्ष हा सगळ्या समाजांचा पक्ष आहे, सध्या पक्षाची ताकद वाढवण्यासाठी राज्याचा दौरा करतो आहे. लोकसभा, विधानसभा निवडणुकांना अजून खूप वेळ असल्यामुळे सध्या तरी कुणासोबत जाण्याचा विचार केलेला नाही. (Happy where I am; In future, RSP will bring power in the state and at the center.) माझा पक्ष हा एनडीएचा भाग आहे, मी त्यांच्यासोबत सुखी आहे, असे सांगत राष्ट्रीय समाज पक्षाचे अध्यक्ष महादेव जानकर यांनी आपण भाजपसोबतच असलल्याचा निर्वाळा दिला.
भविष्यात राज्यात आणि केंद्रात आपल्याला रासपची सत्ता आणायची आहे, असेही ते म्हणाले. महादेव जानकर सध्या महाराष्ट्राच्या विविध जिल्ह्यांचा दौरा करून पक्ष बांधणीचा आढावा घेत आहेत. (Rashtriy Samaj Paksh President Mahadev Jankar) आज जालना जिल्ह्यातील अंबड येथे ते आले होते. पक्षाच्या पदाधिकाऱ्यांची बैठक घेतल्यानंतर जानकर यांनी आपला दौरा आणि राज्यातील मराठा आरक्षण व इतर विषयावर पत्रकारांशी चर्चा केली.
महादेव जानकर म्हणाले, राज्यात कोरोनाची परिस्थिती वाईट होती, पण या काळात उद्धव ठाकरे सरकारने चांगले काम केले. (Maratha, Obc Rservation) उगाच टीका करायची म्हणून करणार नाही, जे चांगले आहे त्याला चांगल म्हटंल पाहिजे. (Dhngar Arakshan) सध्या कुठल्याही निवडणूका नसल्यामुळे माझ्या पक्षाची ताकद कशी वाढेल या दृष्टीने मी दौरा करतो आहे. राष्ट्रीय समाज पक्ष हा सगळ्या समाजांना, जातीच्या लोकांना सोबत घेऊन चालणारा पक्ष आहे. सगळ्यांना न्याय मिळाला पाहिजे या भूमिकेतून आम्ही वाटचाल करतो आहे.
मराठा, धनगर, ओबीसी आरक्षणासह इतर प्रश्न सोडवायचे असतील तर त्यासाठी राज्यात आणि केंद्रात देखील आमच्या पक्षाची सत्ता यावी लागेल. विधानसभेत आमदार आणि लोकसभेत रासपच्या खासदारांची संख्या वाढल्याशिवाय प्रश्न सुटणार नाहीत. त्यामुळे फक्त आम्ही तुमच्या सोबत आहोत, रासपला आमचा पाठिंबा आहे असे म्हणून चालणार नाही, तर मतदान करून आमदार, खासदार देखील निवडून द्यावे, लागतील असे आवाहन जानकर यांनी यावेळी केले.
बिहार, उत्तर प्रदेशात रासपाने स्वबळावर उमेदवार दिले होते, याचा उल्लेख करत सध्या मी एनडीएचा भाग आहे, रासप भाजप सोबतच आहे आणि आम्ही आहे तिथे सुखी आहोत. त्यामुळे सध्या तरी कुणासोबत युती किंवा आघाडी करण्याचा विषय नाही. पक्षाची ताकद वाढवणे हा एकमेव उद्देश घेऊन मी व माझे कार्यकर्ते काम करत आहेत, असेही त्यांनी स्पष्ट केले.
मराठा आरक्षणाला पाठिंबा..पण..
मराठा आरक्षणाला आपला पाठिंबा आहे, या समाजातील गोरगरिबांना शैक्षणिक आणि नोकरीमध्ये आरक्षण मिळाले पाहिजे, पण ते देत असतांना ओबीसींच्या आरक्षणाला धक्का लागू नये अशी आपली भूमिका असल्याचे जानकर म्हणाले. केवळ मराठाच नाही, तर ब्राम्हण, मुस्लिम, धनगर या सगळ्याच समाजातील गरीबांना आरक्षण मिळावे, हीच आमची भूमिका आहे. ओबीसी आणि धनगर आरक्षणासाठी समाजाने गाफील न राहता आक्रमक भूमिका घेतली पाहिजे, तरच ते शक्य असल्याचे जानकर म्हणाले.
Edited By : Jagdish Pansare
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.