सत्तेसाठी भाजपवाल्यांची धडपड; म्हणून मराठा,ओबीसी आरक्षणावर दिशाभूल ..

मराठा आणि ओबीसी यांच्या आरक्षणासंदर्भात केंद्र शासनाला अधिकार आहेत यासाठीच मुख्यमंत्री उद्धव ठाकरे उपमुख्यमंत्री अजित पवार व मी स्वतः पंतप्रधान नरेंद्र मोदी यांना भेटलो होतो.
Minister ashok chvan news Parbhani
Minister ashok chvan news Parbhani

परभणी  : सत्तेच्या बाहेर राहणे भाजपवाल्यांना सहन होत नाही, सत्तेसाठी त्यांची धडपड सुरू आहे.  त्यामुळेच मराठा आणि ओबीसी आरक्षणाच्या प्रश्नावर दिशाभूल करण्याचे काम ते सातत्याने करत असल्याची टीका सार्वजनिक बांधकाम मंत्री अशोक चव्हाण यांनी  केली. (BJP's struggle for power; So Maratha, misguided on OBC reservation) अशोक चव्हाण परभणीत पत्रकारांशी बोलत होते. यावेळी त्यांनी मराठा, ओबीसी आरक्षणावर विचारलेल्या प्रश्नांना उत्तरे देतांनाच भाजपवर टीका केली.

चव्हाण म्हणाले, मराठा आरक्षणासंदर्भात राज्य शासनाला अधिकार नसल्यामुळे या प्रकरणात निर्णय घेता येत नाही, हे अधिकार केंद्र शासनाला असल्यामुळे केंद्रीय स्तरावरूनच याबद्दल निर्णय अपेक्षित आहे. (PWD Minister Ashok Chavan) राज्यातील सत्ता भाजपच्या हातातून गेल्यामुळे त्यांची सत्तेसाठी धडपड सुरू झाली आहे. त्यामुळे आरक्षण या विषयावर भाजपाकडून चुकीच्या पद्धतीने बातम्या पसरवल्या जात आहेत. (Maratha, Obc Reservation)

मराठा आणि ओबीसी यांच्या आरक्षणासंदर्भात केंद्र शासनाला अधिकार आहेत यासाठीच मुख्यमंत्री उद्धव ठाकरे उपमुख्यमंत्री अजित पवार व मी स्वतः पंतप्रधान नरेंद्र मोदी यांना भेटलो होतो. त्यांना आरक्षण देण्यासंदर्भात विनंतीही केली आहे, परंतु त्याबाबत अद्यापही निर्णय झाला नाही.  

देवेंद्र फडणवीस यांच्या सरकारमध्ये मराठा आरक्षणाचा कायदा करून दिशाभूल करण्याचे काम करण्यात आले. सुप्रीम कोर्टाच्या निर्णयाप्रमाणे कामे मार्गी लागायला हवी होती, ती झाली नाहीत असाही आरोप चव्हाण यांनी यावेळी केला. आरक्षणाची ५० टक्क्यांची अट शिथिल करावी त्याशिवाय कोणताही प्रश्न मार्गी लागणार नाही, असेही ते म्हणाले. 

ओबीसी समाजाच्या आरक्षणा संदर्भात बोलतांना तत्कालीन मुख्यमंत्री देवेंद्र फडणीस यांनी योग्य निर्णय घेतला नाही. त्यामुळे ओबीसी समाजावर ही वेळ आली आहे. केंद्र सरकारने नीती आयोगाचा डाटा उपलब्ध करून द्यावा, अशी मागणी आपण केंद्राकडे केली आहे. केंद्र सरकार जोपर्यंत हा प्रश्न मार्गी लावत नाही तोपर्यंत यातून मार्ग निघू शकत नाही, असे चव्हाण म्हणाले. 

Edited By : Jagdish Pansare

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com