राजेंद्र नागवडे, सुजित झावरे यांचा भाजपमध्ये प्रवेश

श्रीगोंदे (नगर) : काँग्रेसचे जिल्हा उपाध्यक्ष राजेंद्र नागवडे, पारनेरचे राष्ट्रवादीचे नेते सुजित झावरे यांनी अखेर आज मुख्यमंत्र्यांच्या उपस्थितीत भाजपमध्ये प्रवेश करून चर्चेला पूर्णविराम दिला. 

नागवडे व झावरे भाजपमध्ये जाणार असल्याची चर्चा गेल्या अनेक दिवसांपासून होती. दोघेही विधानसभेसाठी इच्छुक होते, मात्र संबंधित पक्षाने त्यांना उमेदवारी नाकारली. त्यामुळे नाराज होत दोघांनीही बंडाचा झेंडा हाती घेत भाजमध्ये प्रवेश केला. नागवडे भाजपमध्ये गेल्यामुळे भाजपचे उमेदवार बबनराव पाचपुते यांची ताकद वाढणार आहे. झावरे यांच्या पक्षांतरामुळे शिवसेनेचे पारनेरमधील उमेदवार विजय औटी यांची ताकद वाढणार असल्याने दोन्ही ठिकाणी आघाडीला फटका बसणार आहे.