औरंगाबाद महापालिकेत उपमहापौरही शिवसेनेचाच, राजेंद्र जंजाळ विजयी

कॉंग्रेसने महाविकास आघाडीचा दाखला देत उपमहापौर पदावर दावा सांगितला. त्यामुळे शिवसेनेच्या अडचणीत वाढ झाली होती. पण वरिष्ठ नेत्यांच्या आदेशानुसार कॉंग्रेस- राष्ट्रवादीच्या नगरसेवकांनी शिवसेनेचे उमेदवार राजेंद्र जंजाळ यांना मदत केली
औरंगाबाद महापालिकेत उपमहापौरही शिवसेनेचाच, राजेंद्र जंजाळ विजयी

औरंगाबाद : महापालिका निवडणुकीत कॉंग्रेस-राष्ट्रवादीची समजूत काढण्यात अखेर शिवसेनेला यश मिळाले. राज्यातील महाविकास आघाडीचा पहिला प्रयोग यशस्वी झाला असून उपहापौरपदी शिवसेनेचे राजेंद्र जंजाळ 51 मते घेऊन विजयी झाले आहेत. उपमहापौर पद शिवसेनेकडे आल्याने महापालिकेत आता शत प्रतिशत शिवसेनेची सत्ता प्रस्थापित झाली आहे. 

औरंगाबाद शहरासाठी तत्कालीन युती सरकारचे मुख्यमंत्री देवेंद्र फडणवीस यांनी मंजूर केलेल्या 1680 कोटींच्या पाणीपुरवठा योजनेला महाविकास आघाडी सरकारचे मुख्यमंत्री उध्दव ठाकरे यांनी स्थगिती दिल्याचा आरोप भाजपने केला होता. हा वाद इतका विकोपाला गेला होता की भाजपचे उपमहापौर विजय औताडे यांनी राजीनामा देत सत्तेतून बाहेर पडण्याचा निर्णय घेतला. त्यामुळे या पदासाठी आज निवडणूक घेण्यात आली. भाजपने अपक्ष उमेदवाराला पाठिंबा दर्शवत शिवसेनेला खो देण्याचा प्रयत्न केला होता. 

कॉंग्रेसने महाविकास आघाडीचा दाखला देत उपमहापौर पदावर दावा सांगितला. त्यामुळे शिवसेनेच्या अडचणीत वाढ झाली होती. पण वरिष्ठ नेत्यांच्या आदेशानुसार कॉंग्रेस- राष्ट्रवादीच्या नगरसेवकांनी शिवसेनेचे उमेदवार राजेंद्र जंजाळ यांना मदत केली. त्यामुळे जंजाळ यांनी 51 मते घेऊन भाजप पुरस्कृत उमेदवार गोकुळ मलकेचा पराभव केला. मलके यांना 34 मते मिळाली. 

एमआयएमने जफर बिल्डर यांना उमेदवारी दिली होती. असला तरी त्यांना फक्त 13 मते मिळाली. अन्य नगरसेवकांनी मतदानाला दांडी मारली. तर एमआयएमची तीन मतेही फुटली. पैकी 2 सेनेला तर 1 भाजपच्या पारड्यात पडले. 

कॉंग्रेसचे अफसर खान यांचा राजीनामा 
उपमहापौर पद कॉंग्रेसला मिळावे आणि त्यावर आपली निवड व्हावी अशी इच्छा अफसर खान यांनी पक्षाच्या वरिष्ठांना केली होती. पण ती अमान्य करत शिवसेनेच्या उमेदवाराला मतदान करण्याचे आदेश देण्यात आले होते. त्यामुळे नाराज झालेल्या अफसर खान यांनी राजीनामा दिला आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com